تری تلاش میں ہر رہنما سے باتیں کیں

تری تلاش میں ہر رہنما سے باتیں کیں

خلا سے ربط بڑھایا ہوا سے باتیں کیں

کبھی ستاروں نے بھیجا ہمیں کوئی پیغام

تو مدتوں میں کسی آشنا سے باتیں کیں

ہماری خیر مناؤ کہ آج خود اس نے

بڑے خلوص بڑی التجا سے باتیں کیں

گناہگار تو رمز حریم تک پہنچے

ثواب والوں نے بانگ درا سے باتیں کیں

بہت سے وہ تھے جنہوں نے بتوں سے فیض اٹھائے

بہت سے وہ تھے جنہوں نے خدا سے باتیں کیں

نہ جانے کب سے سناتے تھے اس کو ہم احوال

نظر اٹھائی تو پھر ابتدا سے باتیں کیں

ہزار شعر کہے یوں تو کہنے والوں نے

کسی کسی نے دل مبتلا سے باتیں کیں

tiri talash mein har rahnuma se baten kin

khala se rabt barhaya hawa se baten kin

kabhi sitaron ne bheja hamen koi paigham

tu muddaton mein kisi ashna se baten kin

hamari khair manao ke aj khud us ne

bare khulus bari iltija se baten kin

gunahgar to ramz-e-harim tak pahunche

sawab walon ne bang-e-dara se baten kin

bahut se wo the jinhon ne buton se faiz uthae

bahut se wo the jinhon ne khuda se baten kin

na jane kab se sunate the us ko ham ahwal

nazar uthai to phir ibtida se baten kin

hazar sher kahe yun to kahne walon ne

kisi kisi ne dil-e-mubtala se baten kin