کیا کریں کیوں کر رہیں دنیا میں یارو ہم خوشی

کیا کریں کیوں کر رہیں دنیا میں یارو ہم خوشی

ہم کو رہنے ہی نہیں دیتا ہے ہرگز غم خوشی

ہم تو اپنے درد اور غم میں نپٹ محظوظ ہیں

ہم کو کیا اس بات سے رہتا ہے گر عالم خوشی

اے عزیزو اس خوشی کو کوئی خوشی نہیں پہونچتی

عاشق اور معشوق جب ہوتے ہیں مل باہم خوشی

اے فلک جس جس طرح کا غم تو چاہے مجھ کو دے

میں کبھی نالاں نہ ہوں ہرگز رہوں ہر دم خوشی

یار ہے مے ہے چمن ہے کیوں نہ ہم خوش وقت ہوں

اس طرح کی ہوگی اے تاباںؔ کسی کو کم خوشی

kya karen kyun kar rahen duniya mein yaro ham khushi

ham ko rahne hi nahin deta hai hargiz gham khushi

ham to apne dard aur gham mein nipat mahzuz hain

ham ko kya is bat se rahta hai gar alam khushi

ai azizo is khushi ko koi khushi nahin pahonachti

ashiq aur maashuq jab hote hain mil baham khushi

ai falak jis jis tarah ka gham tu chahe mujh ko de

main kabhi nalan na hun hargiz rahun har dam khushi

yar hai mai hai chaman hai kyun na ham khush waqt hun

is tarah ki hogi ai taban kisi ko kam khushi