کیا کہئے داستان تمنا بدل گئی

کیا کہئے داستان تمنا بدل گئی

ان کی بدلتے ہی دنیا بدل گئی

یہ دور انقلاب ہے خود نوشیوں کا دور

ہر میکدے میں گردش مینا بدل گئی

ہر پھول ہر کلی پہ برستا ہے اب لہو

رنگینیٔ بہار چمن کیا بدل گئی

نکھری ہوئی بہار میں چھالے ہیں خونچکاں

اپنے قدم سے قسمت صحرا بدل گئی

پیہم ٹپک پڑے جو بہ حسرت حضور دوست

ان آنسوؤں سے شرح تمنا بدل گئی

آزادیٔ جنوں کا یہی کیا مآل تھا

زنداں سے دلفریبیٔ صحرا بدل گئی

وہ خواب زندگی تھا جو ہم دیکھتے رہے

اے دلؔ کھلی جب آنکھ تو دنیا بدل گئی

kya kahiye dastan-e-tamanna badal gai

un ki badalte hi duniya badal gai

ye daur inqilab hai khud noshiyon ka daur

har maikade mein gardish-e-mina badal gai

har phul har kali pe barasta hai ab lahu

rangini-e-bahar-e-chaman kya badal gai

nikhri hui bahar mein chhale hain khunchakan

apne qadam se qismat-e-sahra badal gai

paiham tapak pare ju ba hasrat huzur-e-dost

un ansuon se sharh-e-tamanna badal gai

azadi-e-junun ka yahi kya maal tha

zindan se dilfarebi-e-sahra badal gai

wo khwab-e-zindagi tha jo ham dekhte rahe

ai dil khuli jab ankh to duniya badal gai