ترے آشفتہ سے کیا حال بیتابی بیاں ہوگا

ترے آشفتہ سے کیا حال بیتابی بیاں ہوگا

جبین شوق ہوگی اور تیرا آستاں ہوگا

زبان شمع محفل سے سنا ہے اہل محمل نے

ترا انجام کیا پروانۂ آتش بجاں ہوگا

تلاطم ہے امیدوں کا تصادم آرزوؤں کا

دل ہنگامہ پرور کون تیرا راز داں ہوگا

رہیں یوں ہی اگر رنگینیاں طرز تبسم کی

مرے زخم جگر پر خندۂ گل کا گماں ہوگا

تجمل سے گزر ہوگا ترے کوچے میں عاشق کا

تمناؤں کا لشکر کارواں در کارواں ہوگا

کبھی توفیق ترک ماسوا کی ہو ہی جائے گی

دل آزاد ہوگا اور عیش جاوداں ہوگا

سرور افزا و مستی خیز و شورش آفریں ہوگی

وہ بزم شعر جس میں وحشتؔ شیوا بیاں ہوگا

tire ashufta se kya hal betabi bayan hoga

jabin-e-shauq hogi aur tera astan hoga

zaban-e-sham-e-mahfil se suna hai ahl-e-mahmil ne

tira anjam kya parwana-e-atish bajan hoga

talatum hai ummidon ka tasadum arzuon ka

dil-e-hangama parwar kaun tera raz dan hoga

rahen yun hi agar ranginiyan tarz-e-tabassum ki

mire zakhm-e-jigar par khanda-e-gul ka guman hoga

tajammul se guzar hoga tire kuche mein ashiq ka

tamannaon ka lashkar karwan dar karwan hoga

kabhi taufiq-e-tark-e-masiwa ki ho hi jaegi

dil-e-azad hoga aur aish-e-jawedan hoga

surur afza-o-masti khez-o-shorish afrin hogi

wo bazm-e-sher jis mein wahshat-e-shewa bayan hoga