کیا فروغ بزم اس مہ رو کا شب صد رنگ تھا

کیا فروغ بزم اس مہ رو کا شب صد رنگ تھا

شمع نہیں شرمندہ اور مہ دیکھ رخ کو دنگ تھا

کیوں نہ رکھوں داغ دل پر جیسے لالہ در چمن

خال غیر فام اس رخسار پر گل رنگ تھا

شرمگیں آنکھوں سے جس جانب کو پڑتی ہے نظر

نازکی شمشیر سے بسمل پہ عرصہ تنگ تھا

قتل میں عاشق کے شب کو کیا تجھے تاخیر ہے

شور غل تھا دھوم تھی اور اژدہام آہنگ تھا

آہ زاری پر کسی کی وہ نہ کرتا تھا خیال

گوش زد آواز اس دم ڈھولک و مردنگ تھا

ہو گیا محو تماشا غیر کی محفل میں کیوں

غیر تیرے دل مرا جیوں شیشہ وقف سنگ تھا

آفریدیؔ عشق کے باعث حیا جاتی رہی

کیا ہوا تیرے تئیں دعویٰ جو نام و ننگ تھا

kya farogh-e-bazm us mah ru ka shab sad rang tha

shama nahin sharminda aur mah dekh rukh ko dang tha

kyun na rakhun dagh-e-dil par jaise lala dar-e-chaman

khal ghair fam is rukhsar par gul rang tha

sharmgin ankhon se jis janib ko parti hai nazar

nazuki shamshir se bismil pe arsa-e-tang tha

qatl mein ashiq ke shab ko kya tujhe takhir hai

shor ghul tha dhum thi aur azhdaham ahang tha

ah zari par kisi ki wo na karta tha khayal

gosh zad awaz is dam dholak-o-mirdang tha

ho gaya mahw-e-tamasha ghair ki mahfil mein kyun

ghair tere dil mira jyun shisha waqf-e-sang tha

afridi ishq ke bais haya jati rahi

kya hua tere tain daawa jo nam-o-nang tha