کیا تھا نور جب اللہ نے پیدا محمد کا

کیا تھا نور جب اللہ نے پیدا محمد کا

اسی دن سے ہوا ہے عاشق شیدا محمد کا

نہ ہو ذکر مبارک آپ کا درد زباں کیونکر

میں ہوں روز اول سے عاشق محمد کا

فرشتے قبر میں پوچھیں گے گر مجھ سے تو کہہ دوں گا

کہ ہوں بندہ خدا کا اور ہوں شیدا محمد کا

خدایا جب مری اس قالب خاکی سے جاں نکلے

زباں پر اس گھڑی جاری رہے کلمہ محمد کا

خیال مہرومہ دل سے تو فورا بھول جائے گا

نظر آجائے گا جس دم تجھے روضہ محمد کا

بشر کی تاب و طاقت کیا جو لکھے نعت احمد کی

خدا ہی جانتا ہے خوب بس رتبہ محمد کا

خدا نے ذات احمد کو وہ اعلی مرتبہ بخشا

کہ دم بھرتے ہیں ہر دم حضرت عیسٰی محمد کا

ملائک نے کیا تھا اس سبب سے سجدہ آدم کو

کہ پیشانی سے ان کی نور تھا پیدا محمد کا

خدا بھی حشر میں پوچھے گا گر عاشق تو کس کا ہے

تو کہہ دوں گا محمد کا محمد کا محمد کا

تمنا ہے کہ فورا جاں بحق تسلیم ہو جاوں

نظر آئے جو مجھ کو شیفتہ محمد کا

kya tha nur jab allah ne paida mohammad ka

usi din se hua hai ashiq-e-shaida mohammad ka

na ho zikr-e-mubarak ap ka dard-e-zaban kyunkar

main hun roz-e-awwal se ashiq mohammad ka

farishte qabr mein puchhenge gar mujh se to kah dunga

ke hun banda khuda ka aur hun shaida mohammad ka

khudaya jab miri is qalib-e-khaki se jan nikle

zaban par us ghari jari rahe kalima mohammad ka

khayal-e-mehromah dil se to fauran bhul jaega

nazar ajaega jis dam tujhe rauza mohammad ka

bashar ki tab-o-taqat kya jo likhe naat-e-ahmad ki

khuda hi janta hai khub bas rutba mohammad ka

khuda ne zat ahmad ko wo aala martaba bakhsha

ke dam bharte hain har dam hazrat-e-isa mohammad ka

mulaik ne kiya tha is sabab se sajda adam ko

ke peshani se un ki nur tha paida mohammad ka

khuda bhi hashr mein puchhega gar ashiq to kis ka hai

tu kah dunga mohammad ka mohammad ka mohammad ka

tamanna hai ke fauran jan bahaq taslim ho jaon

nazar ae jo mujh ko shefta mohammad ka