کیا غم ہجر اٹھا کر کوئی مر جائے گا

کیا غم ہجر اٹھا کر کوئی مر جائے گا

جس طرح رات کٹی دن بھی گزر جائے گا

ان کے دیدار کی حسرت ہے دم آخر بھی

دم نکل کر مری آنکھوں میں ٹھہر جائے گا

تم ہمارے دل مضطر کو سنبھالو نہ ابھی

خوب جی بھر کے تڑپ لے تو ٹھہر جائے گا

صورت نقش قدم بیٹھ چکا کوچے میں

در جاناں سے کہاں اٹھ کے جگرؔ جائے گا

kiya gham-e-hijr utha kar koi mar jaega

jis tarah rat kati din bhi guzar jaega

un ke didar ki hasrat hai dam-e-akhir bhi

dam nikal kar miri ankhon mein thahar jaega

tum hamare dil-e-muztar ko sambhalo na abhi

khub ji bhar ke tarap le to thahar jaega

surat-e-naqsh-e-qadam baith chuka kuche mein

dar janan se kahan uth ke jigar jaega