کیا خاک کہوں مطلب دل دار کے آگے
نسیم بھرتپوریکیا خاک کہوں مطلب دل دار کے آگے
سو اور سنائے گا وہ اغیار کے آگے
بولا تھا جو آغاز محبت میں بڑا بول
آیا وہی آخر دل بیمار کے آگے
روکا ہی کیا ضبط محبت سر محفل
سر جھک ہی گیا اس بت عیار کے آگے
پیدا نہیں دنیا میں دوائے مرض عشق
کیا لوگ نہ ہوتے تھے اس آزار کے آگے
فریادئ بیداد جفا جان کے مجھ کو
محشر میں وہ چلتے ہوئے للکار کے آگے
مرتا ہے کسی اور پہ اب غیر سنا ہے
بولوں گا کبھی جھوٹ نہ سرکار کے آگے
آ جائے نسیمؔ اس کو ترحم تو عجب کیا
چل لے تو چلیں تجھ کو ترے یار کے آگے
kya khak kahun matlab dil dar ke age
so aur sunaega wo aghyar ke age
bola tha jo aghaz-e-mohabbat mein bara bol
aya wahi akhir dil-e-bimar ke age
roka hi kiya zabt-e-mohabbat sar-e-mahfil
sar jhuk hi gaya us but ayyar ke age
paida nahin duniya mein dawa-e-maraz-e-ishq
kya log na hote the is azar ke age
fariyadi-e-bedad-e-jafa jan ke mujh ko
mahshar mein wo chalte hue lalkar ke age
marta hai kisi aur pe ab ghair suna hai
bolunga kabhi jhut na sarkar ke age
a jae nasim us ko tarahhum to ajab kya
chal le to chalen tujh ko tire yar ke age