کیا خبر تھی کوئی رسوائے جہاں ہو جائے گا
شیر سنگھ ناز دہلویکیا خبر تھی کوئی رسوائے جہاں ہو جائے گا
کچھ نہ کہنا بھی مرا حسن بیاں ہو جائے گا
اپنے دیوانے کا تم جوش جنوں بڑھنے تو دو
آستیں دامن گریباں دھجیاں ہو جائے گا
عاشق جانباز ہیں ہم منہ نہ موڑیں گے کبھی
تم کماں سے تیر چھوڑو امتحاں ہو جائے گا
ٹوٹی پھوٹی قبر بھی کر دو برابر شوق سے
یہ بھی اپنی بے نشانی کا نشاں ہو جائے گا
شادیانے بج رہے ہیں آج جس جا نازؔ کل
دم زدن میں دیکھ لینا کیا سماں ہو جائے گا
kya khabar thi koi riswae jahan ho jaega
kuchh na kahna bhi mira husn-e-bayan ho jaega
apne diwane ka tum josh-e-junun barhne to do
astin daman gareban dhajjiyan ho jaega
ashiq-e-janbaz hain ham munh na morenge kabhi
tum kaman se tir chhoro imtihan ho jaega
tuti phuti qabr bhi kar do barabar shauq se
ye bhi apni be nishani ka nishan ho jaega
shadiyane baj rahe hain aj jis ja naz kal
dam zadan mein dekh lena kya saman ho jaega