کیا دل ہے اگر جلوہ گہہ یار نہ ہووے

کیا دل ہے اگر جلوہ گہہ یار نہ ہووے

ہے طور سے کیا کام جو دیدار نہ ہووے

کچھ رنگ نہیں نغمہ و آہنگ میں اس کے

بلبل جو بہاراں میں گرفتار نہ ہووے

دل جل جو گیا خوب ہوا سوختہ بہتر

وہ جنس کوئی جس کا خریدار نہ ہووے

شمشاد کو دیوے ہے قضا وار کے تجھ پر

جو جامہ ترے قد پہ سزا وار نہ ہووے

نیں باغ محبت میں یقیںؔ اس کو کہیں جا

جس دل میں کہ داغوں ستی گلزار نہ ہووے

kya dil hai agar jalwa gah yar na howe

hai tur se kya kam jo didar na howe

kuchh rang nahin naghma-o-ahang mein us ke

bulbul jo baharan mein giraftar na howe

dil jal jo gaya khub hua sokhta behtar

wo jins koi jis ka kharidar na howe

shamshad ko dewe hai qaza war ke tujh par

jo jama tire qad pe saza war na howe

nain bagh-e-mohabbat mein yaqin us ko kahin ja

jis dil mein ke daghon sati gulzar na howe