Arooz is now on the App Store, for iPhone and iPad. Download →

All poetry

کیا غضب ہے کہ چار آنکھوں میں

رجب علی بیگ سرور

کیا غضب ہے کہ چار آنکھوں میں

دل چراتا ہے یار آنکھوں میں

چشم کیفی کے سرخ ڈوروں سے

چھا رہی ہے بہار آنکھوں میں

گر پڑا طفل اشک یہ مچلا

میں نے روکا ہزار آنکھوں میں

نہیں اٹھتی پلک نزاکت سے

سرمہ ہوتا ہے بار آنکھوں میں

اتنی چھانی ہے خاک تیرے لیے

چھا رہا ہے غبار آنکھوں میں

جب سے اپنا لقب ہوا ہے سرورؔ

روز و شب ہے خمار آنکھوں میں