کیا دن تھے جب چھپ چھپ کر تم پاس ہمارے آتے تھے

کیا دن تھے جب چھپ چھپ کر تم پاس ہمارے آتے تھے

کانپتے تھے بدنامی کے ڈر سے آنسو پی پی جاتے تھے

ہائے جوانی کیا موسم تھا اب وہ دن یاد آتے ہیں

روٹھتے تھے ہم ہر دم ان پہ اور وہ آ کے مناتے تھے

ہائے غضب ہے مجھ وحشی کو اس موسم میں قید کیا

سن جب شور فصل بہاراں مرغ قفس گھبراتے تھے

ذکر کیا میں آپ کا کس سے کس کے آگے نام لیا

دشمن تھے وہ لوگ مرے جو آپ کے تئیں بہکاتے تھے

ہائے وہ پہلے چاہ کا عالم کس سے میں اظہار کروں

میں تو حجاب سے آپ خجل تھا وہ مجھ سے شرماتے تھے

اس سے ہوسؔ ملنا مشکل تھا پر وہ ہم سے دور نہ تھے

ان کی ہی تصویر سے ہر دم اپنا جی بہلاتے تھے

kya din the jab chhup chhup kar tum pas hamare ate the

kanpte the badnami ke dar se ansu pi pi jate the

hae jawani kya mausam tha ab wo din yad ate hain

ruthte the ham har dam un pe aur wo a ke manate the

hae ghazab hai mujh wahshi ko is mausam mein qaid kiya

sun jab shor fasl-e-baharan murgh-e-qafas ghabrate the

zikr kiya main ap ka kis se kis ke age nam liya

dushman the wo log mire jo ap ke tain bahkate the

hae wo pahle chah ka alam kis se main izhar karun

main to hijab se ap khajil tha wo mujh se sharmate the

us se hawas milna mushkil tha par wo ham se dur na the

un ki hi taswir se har dam apna ji bahlate the