کیا سلام جو ساقی سے ہم نے جام لیا

کیا سلام جو ساقی سے ہم نے جام لیا

پڑھے درود جو پیر مغاں کا نام لیا

چہ ذقن میں گرا چاہتا تھا دل میرا

دراز عمر ہو زلف رسا نے تھام لیا

کسی کا زور زبردست پر نہیں چلنا

فلک نے ظلم کیا کس نے انتقام لیا

نصیب ور تھی زلیخا جو پایا یوسف کو

کنیز ہو گئی اس شکل کا غلام لیا

بھرا لبوں نے برابر دم مسیحائی

جب اس کے ابروؤں نے حکم قتل عام لیا

مزاج پوچھا کسی کا تو ان کا منہ دیکھا

کسک سے ہاتھ میں آئے اگر سلام لیا

لگایا تھا کہیں دل ہم نے وہ مزا چکھا

زباں نے پھر نہ کبھی عاشقی کا نام لیا

بھرا ہے آنکھ میں جادو کھلا اشارے سے

زبان کا مژہ بے زباں سے کام لیا

بہت کمر کے لچکنے کا ہے خیال ان کو

جو دو قدم بھی چلے پائینچوں کو تھام لیا

چڑھا خمار جو سر پر اتر گئی عزت

عمامہ رکھ کے گرو ساغر مدام لیا

اٹھا کے داغ لیا حق سعی کا پیسا

نہ مرتشی کی طرح ہم نے زر حرام لیا

ہوا کو جان دی میں نے زمین کو مٹی

ادا کیا دم رخصت جو قرض دام لیا

معاف کی ہے خدا نے ضعیف پر تکلیف

ستم کیا اگر اب دست و پا سے کام لیا

قسم نہ کھاؤں گا تیسوں کلام کی اے بحرؔ

کسی کا خواب میں بوسہ تو لا کلام لیا

kiya salam jo saqi se ham ne jam liya

parhe durud jo pir-e-mughan ka nam liya

cha zaqan mein gira chahta tha dil mera

daraz umr ho zulf-e-rasa ne tham liya

kisi ka zor zabardast par nahin chalna

falak ne zulm kiya kis ne intiqam liya

nasib war thi zulekha jo paya yusuf ko

kaniz ho gai is shakl ka ghulam liya

bhara labon ne barabar dam-e-masihai

jab us ke abruon ne hukm qatl-e-am liya

mizaj puchha kisi ka to un ka munh dekha

kasak se hath mein ae agar salam liya

lagaya tha kahin dil ham ne wo maza chakha

zaban ne phir na kabhi ashiqi ka nam liya

bhara hai ankh mein jadu khula ishare se

zaban ka mizha be zaban se kam liya

bahut kamar ke lachakne ka hai khayal un ko

jo do qadam bhi chale painchon ko tham liya

charha khumar jo sar par utar gai izzat

ammama rakh ke giro saghar mudam liya

utha ke dagh liya haq-e-sai ka pisa

na martishi ki tarah ham ne zar haram liya

hawa ko jan di main ne zamin ko mitti

ada kiya dam-e-rukhsat jo qarz dam liya

muaf ki hai khuda ne zaif par taklif

sitam kiya agar ab dast-o-pa se kam liya

qasam na khaunga tison kalam ki ai bahr

kisi ka khwab mein bosa to la kalam liya