کیا جلد دن بہار کے یارب گزر گئے

کیا جلد دن بہار کے یارب گزر گئے

بجلی ہوا سے پوچھ رہی ہے کدھر گئے

شاید اسی غرض سے چڑھے تھے نگاہ پر

وہ راہ پا کے آنکھ سے دل میں اتر گئے

وعدے کا نام لب پہ نہ آئے پیام بر

کہنا فقط یہی کہ بہت دن گزر گئے

اچھوں کا ہے بگاڑ بھی بہتر بناؤ سے

بکھرے تو اور بھی ترے گیسو سنور گئے

اک جلوہ گاہ حسن تھی محشر نہ تھا جلیلؔ

کیا کیا حسیں ہماری نظر سے گزر گئے

kya jald din bahar ke yarab guzar gae

bijli hawa se puchh rahi hai kidhar gae

shayad isi gharaz se charhe the nigah par

wo rah pa ke ankh se dil mein utar gae

waade ka nam lab pe na ae payam bar

kahna faqat yahi ke bahut din guzar gae

achchhon ka hai bigar bhi behtar banao se

bikhre to aur bhi tire gesu sanwar gae

ik jalwa gah-e-husn thi mahshar na tha jalil

kya kya hasin hamari nazar se guzar gae