کیا فائدہ نصیحتِ نا سود مند کا

کیا فائدہ نصیحتِ نا سود مند کا

کیا خوب پند گو بھی ہے محتاج پند کا

جب میں نہیں پسند تو پھر اور آ چکے

عاشق ہوں اس کی خاطرِ مشکل پسند کا

اے بادِ صبح تا بہ کجا اہتزازِ گل

گوشہ الٹ دے یار کے منہ سے پرند کا

اُس ماہ وش کو غیرِ سیہ رو سے کام کیا

ہے فیض اپنے اخترِ بختِ نژند کا

اس کوچے میں ہے عزتِ خسرو گدا سے کم

کیوں ناز مستمند سہے ارجمند کا

نالہ تو نارسا نہیں کیوں کر گلہ کروں

میں شکوہ سنج ہوں ترے کاخِ بلند کا

اے شیفتہ وہ رتبہ ہے جو بید و ژند کا

kya faida nasihat-e-na sud mand ka

kya khub pand go bhi hai mohtaj pand ka

jab main nahin pasand to phir aur a chuke

ashiq hun us ki khatir-e-mushkil pasand ka

ai bad-e-subh ta ba kuja ehtizaz-e-gul

gosha ulat de yar ke munh se parind ka

us mah wash ko ghair-e-siyah ru se kam kya

hai faiz apne akhtar-e-bakht-e-nazhand ka

us kuche mein hai izzat-e-khusrau gada se kam

kyun naz mustamand sahe arjmand ka

nala to narasa nahin kyun kar gila karun

main shikwa sanj hun tire kakh-e-buland ka

ai shefta wo rutba hai jo baid-o-zhand ka