کیا غازیانِ فوجِ خدا نام کر گئے

کیا غازیانِ فوجِ خدا نام کر گئے

لاکھوں سے تشنہ کام لڑے کام کر گئے

امت کی مغفرت کا سر انجام کر گئے

فیض اپنا مثلِ ابر کرم عام کر گئے

پڑھتے ہیں سب درود جو ذکر ان کے ہوتے ہیں

ایسے بشر وہ تھے کہ ملک جن کو روتے ہیں

دیندار و سرفروش و شجاع و خوش اعتقاد

ہاتھوں میں تیغیں اور دلوں میں خدا کی یاد

زخموں کو نخلِ قد پہ وہ سمجھے گلِ مراد

مرادنگی یہ پیاس میں فاقوں میں یہ جہاد

تیغوں سے بند کون سا ان کا کٹا نہ تھا

پر معرکے سے پاؤں کسی کا ہٹا نہ تھا

برسوں رہے گا چرخ میں، گر آسمانِ پیر

لیکن نظر نہ آئے گا ان کا کہیں نظیر

گورے نہ ان کے پاؤں، نہ روئے مہِ منیر

خورشید جن کے سامنے اک ذرۂ حقیر

پرخوں قبائیں جسم میں، سینے تنے ہوئے

پہنچے ریاضِ خلد میں دولہا بنے ہوئے

رستم اٹھا نہ سکتا تھا سر ان کے سامنے

شیروں کے کانپتے تھے جگر ان کے سامنے

پھیکی تھی روشنیِٔ قمر ان کے سامنے

اڑتا تھا رنگ روئے سحر، ان کے سامنے

بخشا تھا نور، حق نے ہر اک خوش صفات کو

ہوتا تھا دن، جو گھر سے نکلتے تھے رات کو

پیشانیوں پہ جلوہ نما اختر سجود

دیکھیں جو ان کا نور تو قدسی پڑھیں درود

رخ سے عیاں جلال و جوانمردی و نمود

شیدائے آل، شیفتۂ واجب الوجود

جینے کی شاہ دیں کو دعا دے کے مر گئے

ایماں کے آئینہ کو جِلا دے کے مر گئے

تاثیر کر گئی تھی انہیں صحبتِ امام

تھا نزع میں بھی خشک لبوں پہ خدا کا نام

لبریز تھے محبت حیدرؔ سے دل کے جام

ذی قدر، ذی شعور، دلاور خجستہ کام

لشکر جو ان پہ ٹوٹ پڑے شام و روم کے

تلواریں کھائیں جسم پہ کیا جھوم جھوم کے

لاکھوں میں انتخاب ہزاروں میں لا جواب

تھا خشک و تر پہ جن کا کرم صورتِ سحاب

وہ نور، وہ جلال، وہ رونق، وہ آب و تاب

زہراؔ کے گھر کے چاند، زمانے کے آفتاب

بس یک بہ یک جہاں میں اندھیرا سا چھا گیا

دن بھی ڈھلا نہ تھا کہ زوال ان پہ آ گیا

گل ہو گئے عقیلؔ کی تربت کے جب چراغ

جعفر کے لاڈلوں نے دیئے شہ کے دل کو داغ

ماتم سے بھانجوں کے ہوا تھا نہ انفراغ

پامال ہو گیا، حسنِؔ مجتبیٰ کا باغ

لاشے اٹھائے جنگ کرے یا بکا کرے

جس پر گریں یہ کوہ مصیبت وہ کیا کرے

صدمہ یہ تھا کہ لٹنے لگی دولتِ پدر

نکلے نبرد کو اسد اللہ کے پسر

مارے گئے جہاد میں جس دم وہ شیر نر

رخصت ہوئے حسینؔ سے عباسِؔ نام ور

دریا بہے لہو کے بڑا کشت و خوں ہوا

ڈھلتی تھی دوپہر کہ علم سر نگوں ہوا

پیری میں قہر ہے، خبر مرگ نوجواں

ریتی پہ تھر تھرا کے گرے شاہِ انس و جاں

نکلیں سروں کو پیٹتی، خیمے سے بیبیاں

تھا خانۂ علی میں تلاطم کہ الا ماں

یوں گھر الٹ پلٹ تھا امامِ حجاز کا

جس طرح ٹوٹ جاتا ہے لنگر جہاز کا

غل تھا کہ خوں میں بھر گیا سقائے اہل بیت

دنیا سے کوچ کر گیا، سقائے اہل بیت

ہم لٹ گئے گذر گیا سقائے اہل بیت

فریاد ہے کہ مر گیا، سقائے اہل بیت

ہے ہے کہاں سے اپنے بہشتی کو لائیں گے

سوکھی زبان، اب کسے بچے دکھائیں گے

ہلتا تھا خیمہ روتے تھے یوں اہل بیت شاہ

صدمے سے حالِ زوجۂ عباسؔ تھا تباہ

چلاتی تھی کہ نہر کی مجھ کو بتاؤ راہ

لوٹی گئی میں دشت پُر آفت میں آہ آہ

خم تھے گرا تھا کوہِ مصیبت حسینؔ پر

ماتم تھا بیبیوں میں سکینہؔ کے بین پر

ماتم ادھر تھا، جشن میں تھے اہل شر اُدھر

بجتے تھے شادیانۂ فتح و ظفر اُدھر

انعام بانٹتا تھا ہر اک کو عمر ادھر

روتے تھے دیکھ دیکھ کے حضرت اِدھر اُدھر

غل تھا کہ بس حسینؔ بہت روئے بھائی کو

کوئی جواں ہو اور تو بھیجو لڑائی کو

باقی نہیں کوئی تو وِغا کو خود آیئے

حیدرؔ کی ذوالفقار کے جوہر دکھایئے

زخمِ سنان و خنجر و شمشیر کھایئے

گرمی بڑی ہے آج لہو میں نہایئے

آمادہ ہم تو دیر سے بہرِ ستیز ہیں

تیغیں بھی ہیں اُپی ہوئی خنجر بھی تیز ہیں

کاٹے ہیں جس نے بازوئے لخت دلِ امیر

ہے خوب آبدار، وہ شمشیرِ بے نظیر

چھیدا ہے جس سے مشک کو موجود ہے وہ تیر

ہر گرز وہ ہے، ضرب سے جس کی ہوئے اخیر

تڑپے تھے جس سے مشک کو دانتوں سے چھوڑ کر

برچھی یہ ہے جو نکلی تھی پہلو کو توڑ کر

صابر بڑے ہیں آپ تو یا شاہِ انس و جاں

اک بھائی کے فراق میں یہ نالہ و فغاں

رونے سے جی اٹھیں گے نہ عباسِ نوجواں

حضرت پکارتے ہیں کسے، بھائی اب کہاں

ملتا ہے کب جہاں میں بھلا جو گزر گیا

اب فکر اپنی کیجئے وہ شیر مر گیا

اکبر نے کی غضب کی نظر سوئے فوج شام

کانپے یہ غیظ سے کہ اگلنے لگی حسام

کی عرض ہاتھ جوڑ کے اے قبلۂ انام

سنتے ہیں آپ لشکرِ اعدا کا یہ کلام

خوں تن میں جوش کھاتا ہے ہنگام جنگ ہے

مولا بس اب تو حوصلۂ صبر تنگ ہے

ان کے کلام سننے کی کس کے جگر میں ہے تاب

خادم زبانِ تیغ سے دے گا انہیں جواب

کیا اپنے دل میں سمجھے ہیں، یہ خانماں خراب

نعرہ کروں تو شیر کا زہرہ ہو آب آب

آداب شاہ سے نہیں ہم بول سکتے ہیں

زخمِ جگر پہ اب تو نمک یہ چھڑکتے ہیں

ہم کو یہ طعن و طنز کی باتیں نہیں پسند

کوفے میں لیں گے دم جو اٹھائیں گے پھر سمند

ہونٹوں پہ غم سے اب ہے، یہاں جانِ دردمند

کاٹیں تبر سے، تیغ سے خنجر سے بند بند

ہنس ہنس کے جسم پر، تبر و تیر کھائیں گے

تیغِ زباں کے زخم اٹھائے نہ جائیں گے

گھبرا کے دیکھنے لگے بیٹے کے منہ کو شاہ

فرمایا خیر کہہ لیں جو کہتے ہیں روسیاہ

کیوں کانپتے ہو غیظ سے، اے میرے رشک ماہ

لازم ہے صبر و شکر کہ راضی رہے الٰہ

غصہ اسی طرح اگر آئے گا آپ کو

خنجر کے نیچے دیکھو گے کس طرح باپ کو

برہم نہ ہو تمہیں، سر شبیرؔ کی قسم

لو گھر میں جاؤ خیر سمجھ لیں گے ان سے ہم

دیکھو ہمیں کہ بھائی کے بازو ہوئے قلم

تلوار، دل پہ چل گئی، مارا نہ ہم نے دم

سب جل کے خاک ہوں جو ابھی بد دعا کروں

پر امت نبی ہے، بجز صبر کیا کروں

یہ سن کے زرد ہو گئے ہم شکلِ مصطفی

رو کر کہا یہ کرتے ہیں ارشاد آپ کا

وہ وقت، وہ گھڑی، نہ دکھائے ہمیں خدا

بابا نہ ہو تو بیٹے کے جینے کا کیا مزہ

آمادۂ فنا ہیں، خوشی دل سے فوت ہے

پھر خضرؔ کی حیات ملے گر تو موت ہے

کیا پہلے سر کٹایئے گا یا شہِ زماں

کس اشتیاق سے شہ دیں نے کہا کہ ہاں

آگے جو کچھ رضائے خدا، اے پدر کی جاں

جیتے ہیں پیر، سامنے مرتے ہیں نوجواں

دیکھو کہ چھوٹے بھائی کے ماتم میں روتے ہیں

پالا تھا جن کو ہم نے وہ دریا پہ سوتے ہیں

یہ کہہ کے اٹھ کھڑے ہوئے سلطانِ بحر و بر

پٹکے سے باندھنے لگے، ٹوئی ہوئی کمر

قدموں یہ گر پڑے، علیؔ اکبر بہ چشمِ تر

کی عرض رحم کیجئے، مر جائے گا پسر

آگے مرے جو ہو گی شہادت امام کی

دنیا میں آبرو نہ رہے گی غلام کی

چھوٹے تھے جو کہ سِن میں بڑے کر گئے وہ کام

یا شاہ کیا لڑائی کے قابل نہیں غلام

عمو کے خوں کا لیں گے لعینوں سے انتقام

ہم نے بھی تیغ باندھی ہے بچپن سے یا امام

عزت ملی ہے خلق میں صدقے سے آپ کے

بیٹا وہی جو رنج میں کام آئے باپ کے

انصاف آپ کیجئے یا سرورِ عرب

بیٹا تو گھر میں بیٹھے، لڑے باپ تشنہ لب

مارا گیا نہ آج، تو کل یہ کہیں گے سب

کیسا لہو سفید ہے، دنیا کا ہے غضب

سر کو کٹا کے باپ جہاں سے گزر گیا

بیٹا جوان، باپ کے آگے نہ مر گیا

بہرِ رسول رن کی رضا دیجئے مجے

صدقہ علی کا، اذن وغا دیجئے مجھے

مرتا ہوں یا امام، جلا دیجئے مجھے

یادِ خدا میں دل سے بھلا دیجئے مجھے

کھولیں کمر، حضور تو دل کو قرار ہو

کہہ دیجئے کہ جا! علیؔ اکبر نثار ہو

شہ نے کہا تمہیں مرے دل کی نہیں خبر

پیارے کہاں سے لاؤں میں اس طرح کا جگر

ہے باپ کو عصائے ضعیفی، جواں پسر

جب تم نہ ہو گے پاس تو مر جائے گا پدر

ایسے ہنسے نہ تھے کہ ہمیں تم رلاتے ہو

شادی کے دن جو آئے، تو مرنے کو جاتے ہیں

راتیں یہ عیش کی ہیں مرادوں کے ہیں یہ دن

پورے جواں نہیں، ابھی کیا ہے تمہارا سِن

اکبرؔ تری جوانی پہ روئیں گے انس و جن

کیوں کر قرار آئے گا ماں کو تمہارے بن

کیسی ہوا چلی، چمن روزگار میں

سید کا باغ لٹتا ہے فصلِ بہار میں

دیتا اگر تمہیں کوئی فرزند زوالجلال

ہوتی پدر کی قدر سمجھتے ہمارا حال

رخصت کا آپ سے یوں ہی کرتا وہ جب سوال

تب جانتے کہ دیتے اسے رخصتِ جدال

کیا جانے وہ مزاج سے اس کا ملا نہیں

اچھا سدھارو تم سے ہمیں کچھ گلا نہیں

تسلیم کر کے بولے علیؔ اکبرِ غیور

لاکھوں برس جہاں میں سلامت رہیں حضور

فرمایا شہ نے خیر اجل بھی نہیں ہے دور

برچھی لگا کے دل پہ خوشامد یہ کیا ضرور

تقریر میں پدر کو نہ اب بند کیجیے

خیمے میں جا کے ماں کو رضامند کیجیے

ہیں مبتلائے رنج بھلا کیا ہمارا پیار

تم سے جو پسر ہوں تو اس راہ میں نثار

ہر دم خدا سے خیر کا ہوں میں امیدوار

ہاں ماں نہ جانے دے تو مرا کیا ہے اختیار

سینے میں دل ہلے گا بدن تھرتھرائے گا

رخصت کا نام سنتے ہی غش اس کو آئے گا

سب جانتے ہیں جو ہے پھوپھی کو تمہاری چاہ

معلوم ہو گا جاؤ گے جب سوئے خیمہ گاہ

باہیں گلے میں ڈالے گی زینبؔ بہ اشک و آہ

قدموں پہ گر کے آپ کی ماں ہوگی سَدِ راہ

یہ مرحلہ بھی کم نہیں زنجیر و طوق سے

دونوں رضا جو دیں تو چلے جاؤ شوق سے

روتے ہوئے چلے علیؔ اکبر سوئے خیام

کانپا یہ دل کہ بیٹھ گئے خاک پر امام

روتا ہوا جو ڈیوڑھی سے آیا وہ نیک نام

دوڑی پسر کو دیکھ کے بانوئے تشنہ کام

دامن سے آ کے بالی سکینہؔ چمٹ گئی

زینبؔ بلائیں لے کے گلے سے لپٹ گئی

ماں گرد پھر کے بولی کہ اے میرے گلعذار

تم صبح سے گئے تھے اب آئے یہ ماں نثار

در پر تڑپ تڑپ کے میں جاتی تھی بار بار

کھولو بس اب کمر کہ مرا دل ہے بے قرار

گرمی یہ اور قحط کئی دن سے آب کا

رخ تمتما گیا ہے مرے آفتاب کا

تر ہے قبا پسینے میں پنکھا کوئی بلاؤ

سونلا گئے ہو دھوپ میں، واری ہوا میں آؤ

جھاڑوں ردا سے گرد میں، زلفوں کی، بیٹھ جاؤ

گھٹ جائے گا لہو مرا آنسو نہ تم بہاؤ

صدمہ جو دل پہ ہو اسے کچھ منہ سے کہتے ہیں

کیا ہے جو اشک نرگسی آنکھوں سے بہتے ہیں

صغراؔ کی تو وطن سے کچھ آئی نہیں خبر

جلدی کہو کہ منھ سے نکلتا ہے اب جگر

اکبرؔ نے عرض کی کہ ہیں سب خیر سے مگر

لٹتا ہے کوئی آن میں خیر النسا کا گھر

ملتی نہیں رضا ہمیں آنسو بہاتے ہیں

بابا گلا کٹانے کو میداں میں جاتے ہیں

اس وقت کس سے دردِ دل اپنا کہوں میں آہ

تم بھی ہو سدّ راہ پھوپھی بھی ہیں سدّ راہ

چھائی ہے واں گھٹا کی طرح شام کی سپاہ

اماں مدد کرو کہ کمر باندھتے ہیں شاہ

اب زندگی ہے تلخ بہت دق ہیں جان سے

الفت نے آپ کی ہمیں کھویا جہان سے

دیتے نہیں رضا جو امامِ فلک اساس

خاطر فقط یہ آپ کی ہے اور پھوپھی کا پاس

اب غیرِ یاس کوئی نہیں ان کے آس پاس

ناطاقتی ہے ضعف ہے فاقہ ہے اور پیاس

کیوں کر لڑیں گے وہ کہ سراپا ضعیف ہیں

پیری ہے دل ضعیف ہے اعضا ضعیف ہیں

عباس جب سے مر گئے روتے ہیں دم بہ دم

رخ زرد ہے کماں کی طرح ہو گئے ہیں غم

چلوں میں تیر جوڑے ہیں واں بانیٔ ستم

قرباں ہوں کس طرح پسرِ خاطر فاطمہؔ پہ ہم

سب روکتے ہیں رن کی طرف جائیں کس طرح

ماں کو پھوپھی کو بہنوں کو سمجھائیں کس طرح

بابا کا حکم ہے کہ رضا جا کے ماں سے لاؤ

راضی پھوپھی ہوں جب تو لڑو اور زخم کھاؤ

مرضی ہے آپ کی کہ مرے پاس سے نہ جاؤ

یا فاطمہؔ تمہیں علیؔ اکبر کے کام آؤ

چلنے لگیں نہ تیر شہِ مشرقین پر

نرغہ ہے ظالموں کا تمہارا حسینؔ پر

دیکھی گئی نہ ماں سے یہ بیتابیِٔ پسر

وارث کی بے کسی پہ لگا کانپنے جگر

ہاتھوں سے دل کو تھام کے بولی وہ نوحہ گر

دولت پہ فاطمہؔ کی تصدق تمام گھر

پہلے نہ کچھ کہا تھا نہ اب روکتی ہوں میں

روتے ہو کس لیے تمہیں کب روکتی ہوں میں

زہراؔ کے لال پر مرے مادر پدر نثار

عابدؔ نثار اصغرِؔ تشنہ جگر نثار

جانیں ہزار ہوں تو فدا لاکھ سر نثار

قربان گھر، کنیز تصدق، پسر نثار

کِسرائی گو کہ ہوں پہ بہو میں علیؔ کی ہوں

مانگو گے جو وہ دوں گی کہ لونڈی سخی کی ہوں

مجھ پر حوالہ کرتے ہیں گر شاہِ خوش خصال

رخصت نہ تم کو دوں یہ بھلا ہے مری مجال

صدقہ انہیں کا ہے کہ ملا تم سا نونہال

رخصت کا صدقے جاؤں پھوپھی سے کرو سوال

ہم سب کنیزیں بنتِ امیر عرب کی ہیں

اصغرؔ ہو یا کہ تم وہی مختار سب کی ہیں

کہنے کو یوں ہیں چاہنے والے تمہارے سب

لیکن ہے ان کے عشق سے نسبت کسی کو کب

دن کو انہوں نے دن کبھی جانا نہ شب کو شب

لیجے انہیں سے آپ کو جس شے کی ہے طلب

مجھ سے نہ کچھ نہ سید عالی سے پوچھیے

گر پوچھیے تو پالنے والی سے پوچھیے

روتے ہوئے گئے علیؔ اکبر پھوپھی کے پاس

دیکھا کہ غش پڑی ہے زمیں پر وہ حق شناس

زانو پہ سر لیے ہوئے کبراؔ ہے بے حواس

اس حال میں بھی لب پہ یہی ہے کلام یاس

اب تاب و طاقت جسد و روح و دل گئی

کیوں صاحبو! رضا علیؔ اکبر کو مل گئی

اکبرؔ سے مجھ کو یہ نہ توقع تھی ہے غضب

اتنا نہیں خیال کہ ہے کون جاں بہ لب

اس گُل نے ہائے میری ریاضت بھلائی سب

نامِ خدا جواں ہوئے کیا ہم سے کام اب

ہیں محو رن کے شوق میں رخصت کے دھیان میں

سچ ہے کسی کا کون ہوا ہے جہان میں

یا بے ہمارے چین نہ آتا تھا کوئی دم

مالک اب اور ہو گئے کوئی ہوئے نہ ہم

کیا دخل تھا جو ڈیوڑھی سے باہر رکھیں قدم

ہے ہے وہ میرا دردِ مصیبت وہ رنج و غم

جاگی ہوں میں جو چونک کے راتوں کو روئے ہیں

پوچھو تو کس کی چھاتی پہ بچپن میں سوئے ہیں

کنگھی کسی کے ہاتھ کی بھاتی نہ تھی کبھی

بے میرے لیٹے نیند انہیں آتی نہ تھی کبھی

بے ان کی ماں کی قبر پہ جاتی نہ تھی کبھی

روئیں پسر، پہ ان کو رلاتی نہ تھی کبھی

میرے سوا کسی کو کبھی جانتے نہ تھے

جو تھی سو میں تھی ماں کو تو پہچانتے نہ تھے

ہر چند دونوں تھے مرے فرزند خورد سال

پر اِن کے آگے اُن کا مجھے کچھ نہ تھا خیال

راتوں کو جب لپٹتے تھے مجھ سے وہ نونہال

میں کہتے تھی ہٹو علیؔ اکبر ہے میرا لال

وہ دونوں مرنے والے تو پہلو میں ہوتے تھے

پھیلا کے پاؤں یہ مری چھاتی پہ سوتے تھے

چھوٹا تو ضد بھی کرتا تھا راتوں کو بارہا

پرعونؔ کیا عقیلؔ تھا بخشے اسے خدا

دن رات تھی خوشامدِ ہم شکل مصطفا

سینے پہ جب یہ سوئے تو اس نے یہی کیا

آقا کے نور عین ہیں عالی مقام ہیں

اماں یہ شاہزادے ہیں اور ہم غلام ہیں

رہتے تھے پاس باپ کے وہ غیرتِ قمر

الفت میں ان کی مجھ کو کچھ ان کی نہ تھی خبر

قرآن پڑھنے بیٹھتی تھی جب دمِ سحر

صورت پہ تھی انہیں کی تلاوت میں بھی نظر

غافل نہ ان کے پیار سے میں ایک آن تھی

قرآں تو رحل پر تھا حمائل میں جان تھی

میں نے انہیں پہ صدقے کئے اپنے دونوں لال

تسکین تھی کہ باقی ہے اکبر سا نونہال

مانگے تو آگے مجھ سے بھلا رخصتِ جدال

نکلوں گی ساتھ خیمے سے بکھرا کے سر کے بال

کیا خوب جیتے جی مَرے جائیں گے مرنے کو

تلوار باندھ لی ہے ہمیں ذبح کرنے کو

بچپن میں تھا نہ ہم سے زیادہ کسی کا پیار

اب کیا غرض گزر گئی وہ فصل وہ بہار

بھیگیں مسیں نمود ہوا سبزۂ عذار

مالک ہیں خود بھلا مرا اب کیا ہے اختیار

ثابت ہوا اِدھر سے اُدھر مرنے جائیں گے

میں مر بھی جاؤں گی تو وہ یاں تک نہ آئیں گے

باہر سدھارے یا ابھی ہیں ماں سے کچھ کلام

بھابی نے کیوں لیا تھا ابھی رو کے میرا نام

سینے پہ منہ کو رکھ کے یہ بولا وہ لالہ فام

آنکھیں تو آپ کھولیے حاضر ہے یہ غلام

خادم جدا نہ تھا شہِ گردوں سریر سے

کس جرم پہ حضور خفا ہیں حقیر سے

کیا ہے قصور جس پہ یہ غصہ ہے یہ عتاب

کرتا ہوں بات میں کوئی بے مرضیِٔ جناب

روتا ہوں اب کہ صبر کی مجھ کو نہیں ہے تاب

شکوہ یہ خاکسار کا اے بنتِ بوتراب

ہر دکھ میں ہر بلا میں مددگار آپ ہیں

پالا ہے مجھ کو مالک و مختار آپ ہیں

پیدا ہوا تو آپ کی صحبت مجھے ملی

کرتی ہے روح شکر وہ راحت مجھے ملی

یوسف کو کب ملی تھی جو دولت مجھے ملی

رکھا عزیز آپ نے عزت مجھے ملی

صدقہ ہے اس قدم کا جو سر تا فلک گیا

کی مہر آفتاب نے، ذرہ چمک گیا

مرضی نہ ہو تو رن کو بھی جائے نہ یہ غلام

بندے ہیں ہم اطاعتِ مالک سے ہم کو کام

تکرار کی مجال نہ اصرار کا مقام

مرتے اگر تو اس میں بھی تھا آپ ہی کا نام

روتی ہیں آپ کس لیے اچھا نہ جائیں گے

پر یاد رکھیے منہ نہ کسی کو دکھائیں گے

یہ کہہ کے جھک گیا جو قدم پر وہ ذی وقار

بس ہو گئیں محبتِ قلبی سے بے قرار

پھیلا کے دونوں ہاتھوں کو اٹھیں بحال زار

شکوے کے بدلے منہ سے یہ نکلا کہ میں نثار

امڈا یہ دل کہ چشم کے ساغر چھلک پڑے

دیکھا جو آفتاب کو آنسو ٹپک پڑے

لے کر بلایں بولیں کہ واری خفا نہ ہو

صدقے ہے تم پہ جان ہماری خفا نہ ہو

باتیں تھیں یہ تو پیار کی ساری خفا نہ ہو

روتے ہو کیوں منگاؤ سواری خفا نہ ہو

آئے بلا حسینؔ پہ جو اس کو رد کرو

اچھا سدھارو دکھ میں پدر کی مدد کرو

الفت کے جوش میں تو یہ منہ سے کہا مگر

اٹھا یہ دل میں درد کہ تھرا گیا جگر

کبراؔ کو روتے دیکھ کے بولی وہ نوحہ گر

کیا ماجرا ہوا مجھے مطلق نہیں خبر

میں روکنے نہ پائی کہ وار ان کا چل گیا

کیا میں نے کہہ دیا کہ کلیجہ نکل گیا

کیا جا کے اب نہ آئے گا گھر میں یہ نونہال

ہے ہے مری کمائی پہ آ جائے گا زوال

جس وقت سے شہید ہوئے رن میں دونوں لال

بیہوش ہوں، حواس میں ہے میرے اختلال

ایسا ہے اضطراب کہ کچھ جس کی حد نہیں

جو آپ میں نہ ہو سخن اس کا سند نہیں

میں ہوش میں نہ تھی یہ قدم پر گرے تھے جب

میں بھی کہوں، یہ پاؤں پہ گرنے کا کیا سبب

لو مجھ پہ اب کھلا کہ یہ رخصت کی تھی طلب

اکبرؔ کو میں نے ہاتھ سے کھویا تھا ہے غضب

اِصلا خبر نہیں مرے دلبر نے کیا کہا

میں نے جواب کیا دیا اکبرؔ نے کیا کہا

کیا کہہ دیا تھا مرنے کو جائے یہ گل بدن

راضی ہوئی تھی میں کہ خزاں ہو مرا چمن

بیخود ہوں جب سے رن میں سدھارے شہِ زمن

کہتی ہوں کچھ زباں سے نکلتا ہے کچھ سخن

اتنی خبر نہیں علیؔ اکبر کے پیار میں

قابو میں ہے نہ دل نہ زباں اختیار میں

زندوں میں ہوتی گر تو یہ کہتی کہ مرنے جائیں

اس پیاس میں شہید ہوں فاقوں میں زخم کھائیں

اٹھا رواں برس ہے دلھن تو مجھے دکھائیں

پالا ہے منتوں سے، مُرادیں مری برآئیں

مرتی ہوں اشتیاق میں سہرا تو دیکھ لوں

سہرے کے نیچے چاند سا چہرا تو دیکھ لوں

رخصت کے نام سے مرا پھٹتا ہے اب جگر

ایسا نہ ہو کہ بانوئے بے کس کو ہو خبر

گر سن لیا تو دل میں کہے گی وہ نوحہ گر

پیارا ہوا نہ بنتِ علیؔ کو مرا پسر

سمجھیں تھیں کیا جو دی اسے رخصت جدال کی

زینبؔ نے ہائے قدر نہ کی میرے لال کی

سچ ہے کہ اس کی چاہ سے نسبت مجھے کہاں

ہوں لاکھ ان کی چاہنے والی وہ پھر ہے ماں

آنکھوں کا نور قلب کی طاقت بدن کی جاں

آنچ آتما کی ہے وہ قیامت کہ، الاماں

کیا سوچتے ہو صاحبو کچھ تم کو خیر ہے

ماں ہے تو ماں ہے خلق میں پھر غیر غیر ہے

ماں کی نہ کم توجہی اور نہ کسی کا پیار

غصہ ہو، یا کہ سخت کہے دل میں ہے نثار

بلبل فدا ہے گل پہ، شکایت کرے ہزار

دنیا میں عاشقوں کے دلوں کو کہاں قرار

دیں ماں کا ساتھ نامِ خدا اب جوان ہیں

میرا ہے جب یہ حال، پھر اس کی تو جان ہیں

جس دم سنے یہ دُور سے بانو نے سب کلام

آئی قریب حضرت زینب وہ نیک کام

کی غرض ہاتھ جوڑ کے اے خواہر امام

میں ہوں کنیز آپ کی اور یہ پسر غلام

کس کی مجال ہے جو کہے گا یہ کیا کیا

بی بی نے دی غلام کو رخصت، بجا کیا

لونڈی ہے فاطمہ کی کنیزوں میں با وفا

ہو قطع وہ زباں جو کرے آپ کا گلا

حضرت کو ان کے سر پہ سلامت رکھے خدا

مالک ہیں آپ اس میں کسی کو ہے دخل کیا

کچھ جائے گفتگو ہے نہ ماں کو نہ باپ کو

ہے دخل اذن دینے نہ دینے کا آپ کو

غم کھائیے نہ خونِ جگر آپ پیجئے

عابدؔ کو بھیج دیجیے اصغرؔ کو بھیجئے

ہے اختیار دیجیے رخصت نہ دیجیے

قربان جاؤں جو ہو مناسب وہ کیجیے

شادی ہو یا کہ غم ہو شریکِ ثواب ہوں

ہر طرح سے میں تابع حکمِ جناب ہوں

گھر میرا جب سے لٹ گیا اس گھر میں آئی ہوں

شکوے کا کوئی حرف کبھی لب پہ لائی ہوں

کسریٰ کی گو کہ پوتی ہوں سلطاں کی جائی ہوں

لونڈی ہوں آپ کی علیؔ اکبر کی دائی ہوں

صدقہ یہ آپ کا ہے جو شہ کو عزیز ہوں

بھاوج نہ جانیے مجھے ادنیٰ کنیز ہوں

آپ اس کی ماں ہیں آپ کا فرزند ہے یہ لال

دخل اس معاملہ میں کوئی دے یہ کیا مجال

یہ عازم جدال ہے اور آپ کا یہ حال

قدموں کو چھوڑتا نہ کبھی یہ نکو خصال

آپ اس کو چاہتی ہیں یہ صدقے ہے آپ پر

پر کیا کرے کہ آج مصیبت ہے باپ پر

قسمت بری ہے اس میں کسی کا قصور کیا

اچھا رہیں کہ جائیں ہمارا بھی ہے خدا

پروا ہماری ہے نہ خیال ان کو آپ کا

تابع ہم آپ کے بھی ہیں ان پر بھی ہیں فدا

عابدؔ ہوں یا کہ یہ سبھی، آنکھوں کے تارے ہیں

پر اب تو یہ نہ آپ کے ہیں، نہ ہمارے ہیں

یہ سن کے کانپنے لگی زینبؔ جگر فگار

آئی صدائے فاطمہؔ بیٹی یہ ماں نثار

اللہ یہ محبتِ فرزند اور یہ پیار

تنہا ستم کی فوج میں ہے میرا گل عذار

رخصت نہ دے گی تو اگر اس نور عین کو

کون اب بچائے گا مرے بیکس حسینؔ کو

آواز سن کے کانپ گئی بنتِ مرتضا

بانوؔ کے منہ کو دیکھ کے اکبرؔ سے یہ کہا

واری سدھارو خیر جو کچھ مرضیِٔ خدا

ترکِ ادب ہے تم کو اگر اب نہ دوں رجا

یاں والدہ بہشت سے تشریف لائی ہیں

بنتِ نبی تمہاری سفارش کو آئی ہیں

تسلیم کرکے خیمے سے وہ سیم بر چلا

پیچھے حرم کا قافلہ سب ننگے سر چلا

بانوؔ پکارتی تھی کہ پیارا پسر چلا

چلاتی تھی پوپھی مرا لختِ جگر چلا

لٹتے ہیں اہلِ بیت دہائی امام کی

تصویر گھر سے جاتی ہے خیر الانام کی

بھائی کے غم سے عابدِ بیکس تھے بے قرار

اٹھتے تھے اور زمین پہ گرتے تھے باربار

بہنیں پکارتی تھیں کہ بھیا ترے نثار

سینوں کو پیٹتی تھیں خواصیں بہ حال زار

اک حشر تھا جدا علیؔ اکبر جو ہوتے تھے

جھولے میں پھوٹ پھوٹ کے اصغرؔ بھی روتے تھے

ہلتا تھا خیمہ رانڈوں میں تھی، یہ دھڑا دھڑی

آہوں کی بجلیاں تھیں تو اشکوں کی تھی جھڑی

کوئی ادھر کو غش تھی کوئی تھی اُدھر پڑی

آفت کا وقت تھا تو قیامت کی تھی گھڑی

ماتم تھا یہ حسینؔ کے تازہ جوان کا

جاتا ہے گھر سے جیسے جنازہ جوان کا

نکلا حرم سرا سے جو وہ نورِ حق کا نور

خادم نے دی صدا کہ برآمد ہوئے حضور

حضرت کھڑے تھے خیمے کی ڈیوڑھی سے کچھ جو دور

دستِ ادب کو جوڑ کے بولا وہ ذی شعور

رخصت ہوں اب جو حکم شہ نامدار ہو

رو کر کہا حسینؔ نے اچھا سوار ہو

گھوڑے پہ شاہزادۂ عالم ہوا سوار

گویا چلے جہاد کو محبوب کردگار

تھا ثانیِٔ براق فلک سیر راہوار

صرصر سے تند و تیز تو بجلی سے بے قرار

یوں سامنے سے وہ دمِ جولاں نکل گیا

گویا ہوا پہ تختِ سلیماں نکل گیا

حضرت تو یاں زمیں پہ گرے تھام کر جگر

جاسوس نے یہ لشکر اعدا کو دی خبر

آتا ہے اک جوانِ حسیں غیرت قمر

چہرہ پہ اس کے نور محمد ہے جلوہ گر

شان و شکوہ سب اسدِ کبریا کی کی ہے

کہتے ہیں سب بشر نہیں قدرت خدا کی ہے

ہے دھوم ذرے ذرے میں اس آفتاب کی

خوشبو ہے زلف و جسم میں مشک و گلاب کی

سر تا قدم ہے شان رسالت مآب کی

تصویر ہے رسولِ خدا کے شباب کی

گھوڑے کے گرد جن و ملک کا ہجوم ہے

صلّو علی النبی کی بیاباں میں دھوم ہے

روشن کیا ہے روئے منور نے راہ کو

رخ پر نہیں ٹھہرنے کا یارا نگاہ کو

حیراں ہے عقل دیکھ کے زلفِ سیاہ کو

آغوش میں لیے ہے شبِ قدر ماہ کو

چہرے کے نور سے شبِ مہتاب ماند ہے

خالق گوا ہ ہے کہ اندھیرے کا چاند ہے

یہ ذکر تھا کہ نورِ خدا جلوہ گر ہوا

گویا رسولِ پاک کا رن میں گذر ہوا

چلائے اہلِ شام کہ طالع قمر ہوا

ہنگامِ ظہر تھا پہ گمانِ سحر ہوا

جلوہ دکھایا برق تجلیِٔ طور نے

خورشید کو چھپا دیا چہرے کے نور نے

غش کھا گیا کوئی کوئی گر کر سنبھلا گیا

صلِّ علیٰ کسی کی زباں سے نکل گیا

خجلت سے آفتاب کا نقشبہ بدل گیا

چمکا جو نور دھوپ کا جو بن بھی ڈھل گیا

دریائے نور حق کا فقط اوج موج تھا

سب پست تھے زمیں کے ستارے کا اوج تھا

صحرا کو شمعِ حسن نے تابند کر دیا

جو مردہ دل تھے دم میں انہیں زندہ کر دیا

ذروں کو آفتاب درخشندہ کر دیا

گردوں کو اس زمین نے شرمندہ کر دیا

پایہ زمیں کا عرش کے ہم دست ہو گیا

جادے سے اوجِ کاہکشاں پست ہو گیا

اللہ رے نبیرۂ مشکل کشا کی شان

تھی جس کے عضو عضو سے پیدا خدا کی شان

حیراں تھے لوگ دیکھ کے اس مہ لقا کی شان

حمزہ کا رعب زورِ علی مصطفی کی شان

پاکیزگی نسب میں بزرگی صفات میں

شیرینیٔ کلام حسنؔ بات بات میں

کچھ حسن بچپنے کا تو کچھ آمد شباب

وہ گل سا جسم اور وہ چہرے کی آب و تاب

اپنی جگہ یہ خال کے نقطے ہیں انتخاب

پتلی کا نور جن کی سیاہی سے بہرہ یاب

گردن کی ضو میں طَور تجلیٔ طُور کے

سب عضو تن ڈھلے ہوئے سانچے میں نور کے

دل پاک روح پاک نطر پاک جسم پاک

طینت میں آبِ خلد تھا اور کربلا کی خاک

غرفوں سے جس کے حسن کی حوروں کو جھانک تاک

یوسف جو دیکھ لیں تو کہے روحنا فداک

نام اس کا لوح پر جو قلم نے رقم کیا

سو بار پڑھ کے سورۂ نور اس پہ دم کیا

کیا دخل، چار ہو، جو کسی بے ادب کی آنکھ

رکھتی تھی رعب یہ، نہ عجم نہ عرب کی آنکھ

لاکھوں تھے اس طرف پہ جھپکتی تھی سب کی آنکھ

غصہ ستم کا، قہر کی چتون غضب کی آنکھ

پانی تھا، خوف جاں سے جگر، ہر دلیر کا

آہو شکار کرتے تھے میداں میں شیر کا

غل تھا رسولِ پاک کے ثانی کو دیکھنا

حسنِ بہار باغ جوانی کو دیکھنا

کھلتے ہیں گل شگفتہ بیانی کو دیکھنا

یہ سب تو ہے پہ غنچہ دہانی کو دیکھنا

نازک لب اس صفت کے دہن اس طریق کا

خاتم پہ جڑ دیا ہے نگینہ عقیق کا

کچھ عمر بھی نہیں ابھی اٹھارواں ہے سال

یہ باغ کس بہار میں ہوتا ہے پائمال

قامت یہ ہے کہ سروِ گلستانِ اعتدال

ماں باپ دیکھ دیکھ کے کیوں کر نہ ہوں نہال

آنکھوں کے سامنے جو یہ قامت نہ ہوئے گی

بتلاؤ ماں کہ دل پہ قیامت نہ ہوئے گی

زخمی جو ہوگی تیر سے یہ چاند سی جبیں

پٹکے گی سر کو خاک پہ بانوئے دل حزیں

تیغوں سے جب کٹیں گے یہ رخسار نازنیں

پیٹیں گے دونوں ہاتھوں سے منہ اپنا شاہِ دیں

سینہ چھدے پسر کا تو کیا دل کو کل پڑے

ایوبؔ بھی جو ہوں تو کلیجہ نکل پڑے

ناگاہ فوج کیں سے عمرؔ نے کیا کلام

یہ وقت کار زار ہے اے ساکنانِ شام

بس ہے یہی بساط شہنشاہِ خاص و عام

مارا گیا یہ شیر تو مر جائیں گے امام

لُوٹو جناب فاطمہؔ زہرا کے باغ کو

ٹھنڈا کرو حسینؔ کے گھر کے چراغ کو

تصویر مصطفی کی مٹائے گا آج جو

کہتا ہوں میں کہ صاحب جاگیر ہوگا وہ

محبوب کبریا کے مشابہ ہے گر تو ہو

اب مصلحت یہی ہے کہ مہلت اسے نہ دو

ہے اس سے کیا مراد حسیں ہے کہ نیک ہے

دو لاکھ اس طرف ہیں دلاور وہ ایک ہے

دنیا نہ جائے دین کا گر ہو تو ہو ضرر

ٹکڑے کرو اسے کہ یہ دشمن کا ہے پسر

تم آب دیدہ ہو لبِ خشک اس کے دیکھ کر

قطرہ نہ دوں میں گھٹنیوں اصغرؔ بھی آئے گر

غیر از یزیدؔ اور کوئی حکمراں نہ ہو

اولاد مرتضیٰ میں کسی کا نشاں نہ ہو

ہاں غازیو نہ اس کی جوانی کا غم کرو

نیزے پہ نیزے مارو ستم پر ستم کرو

برچھی اٹھاؤ ہاتھوں پہ تیغیں علم کرو

نخلِ مرادِ سبطِ نبی کو قلم کرو

بیٹا نہ جب رہا تو کدھر جائیں گے حسینؔ

گھوڑے سے یہ گرے گا تو مرجائیں گے حسینؔ

چھد جائے گا سناں سے جو اس شیر کا جگر

تڑپیں گے کیا زمیں پہ شہنشاہ بحر و بر

ڈیوڑھی سے ماں پکارے گی ہے ہے مرا پسر

نکلے گی خیمہ گاہ سے زینبؔ برہنہ سر

حضرت تو پیٹتے ہوئے لاشے پہ آئیں گے

ہم لوٹنے کو خیمۂ اقدس میں جائیں گے

یہ گل عذار دخترِ حیدرؔ کی جان ہے

بہنوں کی زندگی ہے برادر کی جان ہے

بابا کی روح ہے تنِ مادر کی جان ہے

بے جاں کرو اسے کہ یہ سب گھر کی جان ہے

جوشن یہی ہے بازوئے برناوپیر کا

بعد اس کے خاتمہ ہے صغیر و کبیر کا

یہ سن کے فوجِ کیں ہوئی آمادۂ نبرد

دردِ دل حسین کا تھا ایک کو نہ درد

غل سن کے ہو گیا شہ والا کا رنگ زرد

کانپے جو پاؤں بیٹھ گئے بھر کے آہ سرد

ماں گر پڑی زمیں پہ پھوپھی بلبلا گئی

بدلی ستم کی واں علیؔ اکبر پہ چھا گئی

قرنا پھکی سپاہ میں طبلِ وغا بجا

باندھے پرے سواروں نے بڑھ بڑھ کے جابجا

پیدل، چلے نبرد کو باجے بجابجا

چلاے اہلِ بیت کہ ہے ہے یہ کیا بجا

حضرت پکارے لال پہ اعدا کے ریلے ہیں

رانڈو دعا کرو علیؔ اکبر اکیلے ہیں

لڑنے کو اس طرف سے عدو سب کے سب بڑھے

تنہا ادھر سے اکبرؔ عالی نسب بڑھے

چومے قدم نہیب نے جھک کر یہ جب بڑھے

گویا پئے جہاد امیر عرب بڑھے

دہشت سے فوج شام کی بدلی سمٹ گئی

قدرت خدا کی دن جو بڑھا رات گھٹ گئی

ڈھالوں کو رکھ کے چہروں پہ گر گر پڑے حسود

گو تھے کئی ہزار پہ کیا ان کی ہست و بود

تھرا گیا تمام جنودِ سقر و رود

نورِ خدا کے سامنے ظلمت کی کیا نمود

عبرت سپاہ شام پہ دِہ چند ہو گئی

باجوں کی فوجِ کیں کے صدا بند ہو گئی

جرار کی زرہ پہ لگے جب کئی خدنگ

صفدر نے پڑھ کے فاتحہ، لی تیغ شعلہ رنگ

چمکا اک آئینہ کہ ہوئی فوجِ شام دنگ

دکھلائے تیغ تیز نے بجلی کے رنگ ڈھنگ

تھی کس کو تاب صاعقۂ شعلہ بار کی

یاد آ گئی ہر اک کو چمک ذوالفقار کی

تھم تھم کے یوں گیا صفِ اعدا پہ وہ دلیر

جاتا ہے داؤں کر کے غزالوں پہ جیسے شیر

غازی جو بھوک پیاس میں تھا زندگی سے سیر

کشتوں کے پشتے ہو گئے دم میں سروں کے ڈھیر

اک سیل زور شور سے آئی گذر گئی

ثابت نہ یہ ہوا صفِ اول کدھر گئی

جب یہ بڑھے لہو تنِ اعدا کا گھٹ گیا

باقی تھا جو حساب وہ لاشوں سے پٹ گیا

لشکر میں فرد فرد کا چہرا جو کٹ گیا

پس دفعتاً سپاہ کا دفتر الٹ گیا

سر داخلِ خزانۂ سرکار ہوگئے

پہلا ہی جائزہ تھا کہ بیکار ہوگے

چہرے پہ ایک کے نہ بحالی نظر پڑی

جو صف بھری ہوئی تھی وہ خالی نظر پڑی

سر پر سبھوں کے تیغ ہلالی نظر پڑی

سوئے جنوب فوجِ شمالی نظر پڑی

غل تھا کہ تیغ تیز نہیں موت آتی ہے

کیوں کر قدم تھمیں کہ زمیں سرکی جاتی ہے

ٹکڑے پڑے تھے خاک پہ بھالے اِدھر اُدھر

چھپتے تھے ڈر کے برچھیوں والے اِدھر اُدھر

پیشِ نظر تھے خون کے تھالے اِدھر اُدھر

ابتر تھے دشتِ کیں میں رسالے اِدھر اُدھر

ملتا تھا فصل کا نہ ٹھکانا نہ باب کا

شیرازہ کھل گیا تھا ستم کی کتاب کا

بڑھ کر کسی نے وار جو روکا سپر کٹی

چار آئینہ کٹا زرہِ خیرہ سر کٹی

نیزے کی ہرگرہ صفتِ نیشکر کٹی

سینہ کٹا جگر ہوا زخمی کمر کٹی

رہوار بھی دو نیم میانِ مصاف تھا

ان سب کے بعد منہ کو جو دیکھا تو صاف تھا

وہ گھاٹ باڑھ اور وہ اس کی چمک دمک

کانپی کبھی زمیں کبھی تھرا گئے فلک

شعلے میں یہ چمک تھی نہ بجلی میں یہ لپک

ہر ضرب میں سما سے تلاطم تھا تا سمک

کونین میں حواس بجا تھے نہ ایک کے

گاوِ زمیں سمٹتی تھی گھنٹوں کو ٹیک کے

سیدھی چلی وہ جب صفِ دشمن الٹ گئی

باقی تھی جتنی عمر تہِ تیغ کٹ گئی

آ کر زمیں پہ جب سوئے گردن پلٹ گئی

بجلی سے رعد رعد سے بجلی لپٹ گئی

گرتے تھے جن، زمین پہ منہ ڈھانپ ڈھانپ کے

ہٹتے تھے جبرئیل امیں کانپ کانپ کے

ملتا نہ تھا صفوں میں عَلم کا نشاں کہیں

چلے کہیں تھے شست کہیں اور کماں کہیں

نیزے کہیں تھے ڈانڈ کہیں اور سناں کہیں

جمدھر کہیں کمند کہیں برچھیاں کہیں

اک اک سیاہ رو کا جگر داغ داغ تھا

جنگل تمام ڈھالوں کے پھولوں سے باغ تھا

چمکی گری اٹھی ادھر آئی اُدھر گئی

خالی کیے پرے تو صفیں خوں میں بھر گئی

کاٹے کبھی قدم کبھی بالائے سر گئی

ندی غضب کی تھی کہ چڑھی اور اتر گئی

اک شور تھا یہ کیا ہے جو قہر صمد نہیں

ایسا تو رودِ نیل میں بھی جزر و مد نہیں

سر خود سروں کے چنبر گردن سے اڑ گئے

ہاتھ آستیں سے اڑ گئے سر تن سے اڑ گئے

ڈر ڈر کے سب پرند نشیمن سے اڑ گئے

پائی جو راہ طائرِ جاں سَن سے اڑ گئے

تھے قتلِ عام پر علیؔ اکبر تلے ہوئے

رستے تھے بند زخموں کے کوچے کھلے ہوئے

اللہ رے دو زبانیٔ تیغ دو دم کا کاٹ

آفت تھی جس کی باڑھ قیامت تھا جس کا گھاٹ

مقتل سے تا بہ نہر تھا دریائے خوں کا پاٹ

ہر دم تھی اس کو تازہ لہو چاٹنے کی چاٹ

سختی کو جوڑ بند کے کب مانتی تھی وہ

ہر استخواں کو مغز قلم جانتی تھی وہ

آئی جدھر پلٹ کے صفوں کو بچھا گئی

تن سے اڑا دیا وہی سر جس کو پا گئی

ہر اک کڑی کو نرم سمجھ کر چبا گئی

فولاد کی زرہ کو اشارے میں کھا گئی

چار آئینہ کا کاٹ بھی اس پر حوالہ تھا

ذکر اس کا کیا ہے خود تو منہ کا نوالہ تھا

یارا قرار کا تھا نہ صورت فرار کی

پیدل کی موت تھی تو خرابی سوار کی

روئیں تنوں کو، تاب نہ تھی ایک وار کی

ٹکڑے تھے دو کے ہاتھ یہ گھائی تھی چار کی

آگے بڑھے تو منہ وہیں کٹ جائے گیو کا

بجلی کی تھی کڑک کہ طمانچہ تھا دیو کا

اتری زمیں پہ وہ سر دشمن پہ جب چڑھی

دم بھر میں آبِ تیغ کی ندی غضب چڑھی

اک شور تھا صفوں میں کب اتری یہ کب چڑھی

سب کو بخارِ تیغ سے لرزے کی تپ چڑھی

مقتل سے بھاگنے پہ تنک ظرف تُل گئے

کانپے یہ نیزہ باز کہ سب بند کُھل گئے

زندہ کسی کو تیغ دو دم چھوڑتی نہ تھی

پیاسی یہ تھی کہ جسم میں دم چھوڑتی نہ تھی

بے دم کیے گلا کوئی دم چھوڑتی نہ تھی

بھاگیں کہاں کہ موت قدم چھوڑتی نہ تھی

خود وہ دبے جو لڑتے تھے گھوڑوں کو داب کے

بیڑی قدم میں بن گئے، حلقے رکاب کے

قعرِ سقر میں کشتۂ ضربِ نخست تھے

بے سر ہوئے بہت جو لڑائی میں چست تھے

قبضہ میں تھا نہ زور نہ بازو درست ھے

کھینچیں کسے کمانوں کے بازو بھی سست تھے

ہر کج نہاد تیر اجل کا نشانہ تھا

شانے بھی تھے قلم یہ نیا شاخسانہ تھا

تیغوں کو ڈر کے عربدہ جو پھینکنے لگے

مغفر سروں سے مثل سبو پھینکنے لگے

حلقے کماں کے سب لب جو پھینکنے لگے

تنکا سمجھ کے تیر عدو پھینکنے لگے

ترکش بھی اہل ظلم کے آفت رسیدہ تھے

چلّے بھی کشمکش میں کماں سے کشیدہ تھے

کرتے تھے فتح جنگ کو جو ایک آن میں

رعشہ تھا ان کے ہاتھ میں لکنت زبان میں

الجھاتے تھے کمند کمینے کمان میں

ترکش میں تیغیں رکھتے تھے تیروں کو میان میں

تلوار رکھ کے ہاتھ سے منہ ڈھانپ لیتے تھے

آتی تھی تیغ جب تو سپر پھینک دیتے تھے

بڑھتے تھے جو پرے سے بڑے بول بول کے

پہلے انہیں کو مار لیا رول رول کے

حملہ کیا جو تیغِ دو دم تول تول کے

ہتھیار سب نے پھینک دیے کھول کھول کے

اس شان سے کبھی نہ عجم نہ عرب لڑے

دو دن کی پیاس میں علیؔ اکبر غضب لڑے

دہشت سے کتنے ڈوب کے دریا میں مر گئے

اس گھاٹ پر جو آئے سر ان کے اتر گئے

رستہ تھا ایک اِدھر وہ گئے یا اُدھر گئے

ہر پھر کے ہر طرف سے میانِ سقر گئے

نار ان کے اشتیاق میں آب ان کی لاگ میں

پھینکا ہوا نے آب میں پانی نے آگ میں

وہ حرب وہ شکوہ وہ شان پیمبری

نعرے وہ زور و شور کے وہ ضرب حیدریؔ

وہ تیغ خوں چکاں وہ جلالِ غضنفری

راکب جو رشکِ حور تو رہوار بھی پری

چالاک آہوانِ ختن اس قدر نہ تھے

اڑ جاتا تھا ہما کی طرح اور پر نہ تھے

باریک جلد وہ کہ نظر آئے تن کا خوں

کنڈے کو دیکھ کر مہِ نو ہووے سرنگوں

رفتار میں وہ سحر کہ پریوں کو ہو جنوں

غنچے بھی کچھ بڑے ہیں کنوتی کو کیا کروں

قرباں ہزار جان، فرس بے نظیر پر

پیکان دو چڑھے ہوئے ہیں ایک تیر پر

کوتاہ و گرد و صاف کنوتی کمر کفل

کیا خوشنما کشادگیِٔ سینہ و بغل

سیماب کی طرح نہیں آرام ایک پل

پھرتا تھا اس طرح کہ پھرے جس طرح سے کَل

راکب نے سانس لی کہ وہ کوسوں روانہ تھا

تارِ نفس بھی اس کے لیے تازیانہ تھا

وہ جست خیز سرعتِ چالاکیِٔ سمند

سانچے میں تھے ڈھلے ہوئے سب اس کے جوڑ بند

سُم قرص ماہتاب سے روشن ہزار چند

نازک مزاج و شوخ و سیہ جسم سر بلند

گر ہل گئی ہوا سے ذرا باگ اڑ گیا

پُتلی سوار کی نہ پھری تھی کہ مُڑ گیا

آہو کی جست شیر کی آمد پری کی چال

کبکِ دری خجل پر طاؤس پائمال

سبزہ سبک روی میں قدم کے تلے نہال

اک دو قدم میں بھول گئے چوکڑی غزال

جو آ گیا قدم کے تلے گرد برد تھا

چھل بل غضب کی تھی کہ چھلاوا بھی گرد تھا

بجلی کبھی بنا کبھی رہوار بن گیا

آیا عرق تو ابر گہر بار بن گیا

گہ قطب، گاہ گنبد دوّار بن گیا

نقطہ کبھی بنا کبھی پرکار بن گیا

تیراں تھے اس کے گشت پہ لوگ اس ہجوم کے

تھوڑی سی جا میں پھرتا تھا کیا جھوم جھوم کے

جب اس جری نے قتل کیے پانچ سو جواں

ہر صف سے ہر پرے سے اٹھا شور الاماں

چلایا ابن سعدِ سیہ قلب و سخت جاں

نکلیں وہ دس ہزار کماندار ہیں کہاں

برچھی کا اب ہے کام نہ تلوار چاہیے

اس نوجواں پہ تیروں کی بوچھار چاہیے

یہ سن کے تشنہ لب پہ چلے چار سو سے تیر

پتھر عقب سے پڑنے لگے رو برو سے تیر

آتے تھے فوج فوج، سپاہِ عدو سے تیز

سب سرخ تھے شبیہ نبی کے لہو سے تیر

مقتل میں کیا ہجوم تھا اس نور عین پر

پروانے گر رہے تھے چراغِ حسینؔ پر

سینے پہ تیر کھا کے اٹھایا جو راہوار

بجلی چمک کے ہو گئی گویا فلک کے پار

سر خاک پر گرانے لگی تیغِ آبدار

تیروں کو پھینک پھینک کے بھاگے خطا شعار

حملہ کیا تھا جن پہ رخ ان کے تو پھر گئے

پر یہ پلٹ کے برچھیوں والوں میں گھر گئے

یوں آ گیا سنانوں میں وہ آسماں جناب

ہو جس طرح خطوطِ شعاعی میں آفتاب

سوکھی زباں میں پڑ گئے کانٹے بغیر آب

طاقت بھی فرط ضعف سے دینے لگی جواب

آمد ہوئی جو غش کی سرِ پاک جھک گیا

واحسرتا کہ ہاتھ بھی لڑنے سے رک گیا

اس حال میں بھی تیغ سے کیں برچھیاں قلم

لیکن جگر پہ لگ گیا اک نیزۂ ستم

زخمِ جگر سے بہنے لگا خون دم بہ دم

نکلے ہوئے رکابوں سے تھراتے تھے قدم

کھینچا جو اس نے سینے سے نیزہ تکاں کے ساتھ

دو پارۂ جگر نکل آئے سناں کے ساتھ

نیزہ لگا کے بھاگ چلا تھا وہ نابکار

قربان جرأتِ پسرِ شاہِ نامدار

زخمِ سناں تھا سینۂ انور کے وار پار

ماری شقی کو دوڑ کے اک تیغ آبدار

پہونچوں سے اس کے ہاتھ قلم ہو کے گر پڑے

لیکن فرس سے آپ بھی خم ہو کے گر پڑے

گرنا تھا بس کہ سر پہ لگا گرز ہے ستم

یوں جھک گئے کہ ہوتے ہیں سجدے میں جیسے خم

رکھ دی گلے پر شیثؔ نے شمشیر تیز دم

تلوار اک پڑی کہ ہوئیں پسلیاں قلم

غل تھا کرو نہ رحم تنِ پاش پاش پر

دوڑا دو گھوڑے اکبرؔ مہرو کی لاش پر

حضرت کھڑے تھے خیمے کی پکڑے ہوئے طناب

سن کر یہ غل رہی نہ دلِ ناتواں کو تاب

ناگاہ رن سے آئی صدا اے فلک جناب

بیٹا جہاں سے جاتا ہے اب آئیے شتاب

لاشے پہ ظلم و جور بد افعال کرتے ہیں

گھوڑوں سے اہل کیں ہمیں پامال کرتے ہیں

سن کر یہ استغاثۂ فرزند خوش خصال

سید نے آہ کی کہ ہلا عرش ذو الجلال

کھولے جناب فاطمہؔ کی بیٹیوں نے بال

بانوؔ پکاری خیر تو ہے اے علیؔ کے لال

ہے ہے پسر سے کون سی مادر بچھڑ گئی

صاحب بتاؤ کیا مری بستی اجڑ گئی

نیزے سے کس کے لال کا زخمی ہوا جگر

کرتے ہیں کس کی لاش کو پامال اہلِ شر

کہتا ہے کون رن میں تڑپ کر پدرپدر

اب گھر سے میں نکلتی ہوں ہے ہے مرا پسر

پردہ نہ مجھ سے کیجیے سب جانتی ہوں میں

آواز یہ اسی کی ہے پہچانتی ہوں میں

بانوؔ کو قسمیں دے کے چلے شاہِ نامدار

وہ پیاس اور وہ دھوپ کا صدمہ وہ اضطرار

دل تھا الٹ پلٹ تو کلیجہ تھا بے قرار

اٹھتے تھے اور زمین پہ گرتے تھے باربار

چلاتے تھے شبیہ پیمبر ہم آتے ہیں

گھبرائیو نہ اے علیؔ اکبر ہم آتے ہیں

بیٹا پکارو پھر کہ بصارت میں فرق ہے

اے نور عین جسم کی طاقت میں فرق ہے

تم یہ نہ جانیو کہ محبت میں فرق ہے

زخمی ہے قلب روح کی راحت میں فرق ہے

داغِ جگر ملا ہمیں گودی میں پال کے

کس کو دکھاؤں اپنا کلیجہ نکال کے

آؤں کدھر کو اے علیؔ اکبر جواب دو

چلا رہی ہے ڈیوڑھی پہ مادر جواب دو

اکبرؔ برائے خالقِ اکبر جواب دو

بیٹا جواب دو مرے دلبر جواب دو

گرتے ہیں ہم ثواب کا ہاتھوں سے کام لو

بیٹا ضعیف باپ کے بازو کو تھام لو

کچھ سوجھتا نہیں کہ کدھر جاؤں کیا کروں

اے نورِ چشم تجھ کو کہاں پاؤں کیا کروں

مضطر ہے جان و دل کسے سمجھاؤں کیا کروں

کیوں کر پسر کو ڈھونڈھ کے میں لاؤں کیا کروں

پایا تھا مدتوں میں جسے خاک چھان کے

وہ لال ہم نے کھو دیا جنگل میں آن کے

بس اب خبر حسینؔ کی لے جلد اے اجل

اے جسم زار، زیست کا باقی نہیں محل

اے جانِ ناتواں تنِ مجروح سے نکل

ہاں اے نفس چھری کی طرح سے گلے پہ چل

چھوٹے نہ اس کا ہاتھ جو پیری کی آس ہو

لاشہ بھی لاشۂ علیؔ اکبر کے پاس ہو

جنگل سے بے حواس پھرے نہر پر گئے

واں بھی جو وہ گہر نہ ملا سوئے بر گئے

دوڑے کسی طرف تو کسی جا ٹھہر گئے

تھالے ملے لہو کے برابر جدھر گئے

ٹپکا ہوا زمیں پہ جگر کا لہو ملا

لیکن کہیں نہ وہ پسر ماہ رو ملا

جا کر صفوں کے پاس پکارے باشکِ آہ

ہے کس طرف مرے علیؔ اکبر کی قتل گاہ

اے ظالمو، یہ شب ہے کہ دن ہو گیا سیاہ

کس ابر میں چھپا ہے مرا چودھویں کا ماہ

بتلاؤ جان ہے کہ نہیں جسم زار میں

زخمی پڑا ہے شیر مرا کس کچھار میں

لاش پسر کو ڈھونڈھتے تھے شاہِ بحر و بر

سر پیٹنے کی جا ہے کہ ہنستے تھے اہل شہر

کہتا تھا شمر اے پسر سید البشر

کس کو حضور ڈھونڈھتے ہیں مر گیا پسر

خود ڈھونڈھ لیجیے جسد پاش پاش کو

بتلائیں گے نہ ہم علیؔ اکبر کی لاش کو

kya ghaziin-e-fauj-e-khuda nam kar gae

lakhon se tishna kam lare kam kar gae

ummat ki maghfirat ka sar anjam kar gae

faiz apna misl-e-abr-e-karam am kar gae

parhte hain sab durud jo zikr un ke hote hain

aise bashar wo the ke malak jin ko rote hain

dindar-o-sarfarosh-o-shuja-o-khush etiqad

hathon mein teghen aur dilon mein khuda ki yad

zakhmon ko nakhl-e-qad pe wo samjhe gul-e-murad

muradnagi ye pyas mein faqon mein ye jihad

teghon se band kaun sa un ka kata na tha

par marke se paon kisi ka hata na tha

barson rahega charkh mein, gar asman-e-pir

lekin nazar na aega un ka kahin nazir

gore na un ke paon, na ru-e-mah-e-munir

khurshid jin ke samne ik zarra-e-haqir

purkhun qabaen jism mein, sine tane hue

pahunche riyaz-e-khuld mein dolaha bane hue

rustam utha na sakta tha sar un ke samne

sheron ke kanpte the jigar un ke samne

phiki thi raushni-e-qamar un ke samne

urta tha rang-e-ru-e-sahar, un ke samne

bakhsha tha nur, haq ne har ik khush sifat ko

hota tha din, jo ghar se nikalte the rat ko

peshaniyon pe jalwa numa akhtar-e-sujud

dekhen jo un ka nur to qudsi parhen durud

rukh se ayan jalal-o-jawanmardi-o-numud

shaida-e-al, shefta-e-wajib alwujud

jine ki shah den ko dua de ke mar gae

iman ke aina ko jila de ke mar gae

tasir kar gai thi unhen sohbat-e-imam

tha nazaa mein bhi khushk labon pe khuda ka nam

labrez the mohabbat haidar se dil ke jam

zi qadr, zi shuur, dilawar khajsata-e-kam

lashkar jo un pe tut pare sham-o-rom ke

talwaren khaen jism pe kya jhum jhum ke

lakhon mein intikhab hazaron mein la jawab

tha khushk-o-tar pe jin ka karam surat-e-sahab

wo nur, wo jalal, wo raunaq, wo ab-o-tab

zahra ke ghar ke chand, zamane ke aftab

bas yak ba yak jahan mein andhera sa chha gaya

din bhi dhala na tha ke zawal un pe a gaya

gul ho gae aqil ki turbat ke jab charagh

jaafar ke ladlon ne diye shah ke dil ko dagh

matam se bhanjon ke hua tha na infiragh

pamal ho gaya, husn mujtaba ka bagh

lashe uthae jang kare ya buka kare

jis par giren ye koh-e-musibat wo kya kare

sadma ye tha ke lutne lagi daulat-e-pidar

nikle nabard ko asad allah ke pisar

mare gae jihad mein jis dam wo sher-e-nar

rukhsat hue hasin se abasi-e-nam war

dariya bahe lahu ke bara kisht-o-khun hua

dhalti thi dopahar ke ilm sar nigun hua

piri mein qahr hai, khabar marg naujawan

reti pe thar tharra ke gire shah-e-uns-o-jan

niklen saron ko pitti, kheme se bebayan

tha khana-e-ali mein talatum ke illa man

yun ghar ulat palat tha imam-e-hijaz ka

jis tarah tut jata hai langar jahaz ka

ghul tha ke khun mein bhar gaya saqqa-e-ahl-e-bit

duniya se kuch kar gaya, saqqa-e-ahl-e-bit

ham lut gae guzar gaya saqqa-e-ahl-e-bit

fariyad hai ke mar gaya, saqqa-e-ahl-e-bit

hai hai kahan se apne bahishti ko laenge

sukhi zaban, ab kise bachche dikhaenge

hilta tha khema rote the yun ahl-e-bit shah

sadme se hal-e-zauja-e-abbas tha tabah

chillati thi ke nahr ki mujh ko batao rah

lauti gai mein dasht pur afat mein ah ah

kham the gira tha koh-e-musibat hasin par

matam tha bebiyon mein sakina ke bain par

matam idhar tha, jashn mein the ahl-e-shar idhar

bajte the shadiyana-e-fath-o-zafar idhar

inam bantta tha har ik ko umar idhar

rote the dekh dekh ke hazrat idhar idhar

ghul tha ke bas hasin bahut roe bhai ko

koi jawan ho aur to bhejo larai ko

baqi nahin koi to wigha ko khud aiye

haidar ki zualfaqar ke jauhar dikhaiye

zakhm-e-sinan-o-khanjar-o-shamshir khaiye

garmi bari hai aj lahu mein nahaiye

amada ham to der se bahr-e-satez hain

teghen bhi hain upi hui khanjar bhi tez hain

kate hain jis ne bazu-e-lakht-e-dil-e-amir

hai khub abdar, wo shamshir-e-be nazir

chheda hai jis se mushk ko maujud hai wo tir

har garaz wo hai, zarb se jis ki hue akhir

tarpe the jis se mushk ko danton se chhor kar

barchhi ye hai jo nikli thi pahlu ko tor kar

sabir bare hain ap to ya shah-e-uns-o-jan

ik bhai ke firaq mein ye nala-o-fughan

rone se ji uthenge na abbas-e-naujawan

hazrat pukarte hain kise, bhai ab kahan

milta hai kab jahan mein bhala jo guzar gaya

ab fikr apni kijiye wo sher mar gaya

akbar ne ki ghazab ki nazar su-e-fauj-e-sham

kanpe ye ghaiz se ke ugalne lagi husam

ki arz hath jor ke ai qibla-e-anam

sunte hain ap lashkar-e-aada ka ye kalam

khun tan mein josh khata hai hangam-e-jang hai

maula bas ab to hausla-e-sabr tang hai

un ke kalam sunne ki kis ke jigar mein hai tab

khadim zaban-e-tegh se dega unhen jawab

kya apne dil mein samjhe hain, ye khanuman kharab

naara karun to sher ka zohra ho ab ab

adab-e-shah se nahin ham bol sakte hain

zakhm-e-jigar pe ab to namak ye chhirakte hain

ham ko ye taan-o-tanz ki baten nahin pasand

kofe mein lenge dam jo uthaenge phir samand

honton pe gham se ab hai, yahan jan-e-dardmand

katen tabar se, tegh se khanjar se band band

hans hans ke jism par, tabar-o-tir khaenge

tegh-e-zaban ke zakhm uthae na jaenge

ghabra ke dekhne lage bete ke munh ko shah

farmaya khair kah len jo kahte hain rusiyah

kyun kanpte ho ghaiz se, ai mere rashk-e-mah

lazim hai sabr-o-shukr ke razi rahe ala

ghussa isi tarah agar aega ap ko

khanjar ke niche dekhoge kis tarah bap ko

barham na ho tumhen, sar-e-shabbir ki qasam

lo ghar mein jao khair samajh lenge un se ham

dekho hamen ke bhai ke bazu hue qalam

talwar, dil pe chal gai, mara na ham ne dam

sab jal ke khak hun jo abhi bad dua karun

par ummat-e-nabi hai, bajuz sabr kya karun

ye sun ke zard ho gae ham shakl-e-mustafa

ro kar kaha ye karte hain irshad ap ka

wo waqt, wo ghari, na dikhae hamen khuda

baba na ho to bete ke jine ka kya maza

amada-e-fana hain, khushi dil se faut hai

phir khizr ki hayat mile gar to maut hai

kya pahle sar katie ga ya shah-e-zaman

kis ishtiyaq se shah den ne kaha ke han

age jo kuchh raza-e-khuda, ai pidar ki jan

jite hain pir, samne marte hain naujawan

dekho ke chhote bhai ke matam mein rote hain

pala tha jin ko ham ne wo dariya pe sote hain

ye kah ke uth khare hue sultan-e-bahr-o-bar

patke se bandhne lage, toi hui kamar

qadmon ye gir pare, ali akbar ba chashm-e-tar

ki arz rahm kijiye, mar jaega pisar

age mire jo hogi shahadat imam ki

duniya mein abru na rahegi ghulam ki

chhote the jo ke sin mein bare kar gae wo kam

ya shah kya larai ke qabil nahin ghulam

amo ke khun ka lenge lainon se intiqam

ham ne bhi tegh bandhi hai bachpan se ya imam

izzat mili hai khalq mein sadqe se ap ke

beta wahi jo ranj mein kam ae bap ke

insaf ap kijiye ya surur-e-arab

beta to ghar mein baithe, lare bap tishna lab

mara gaya na aj, to kal ye kahenge sab

kaisa lahu safed hai, duniya ka hai ghazab

sar ko kata ke bap jahan se guzar gaya

beta jawan, bap ke age na mar gaya

bahr-e-rasul ran ki raza dijiye majje

sadqa ali ka, izn-e-wagha dijiye mujhe

marta hun ya imam, jala dijiye mujhe

yad-e-khuda mein dil se bhala dijiye mujhe

kholen kamar, huzur to dil ko qarar ho

kah dijiye ke ja! ali akbar nisar ho

shah ne kaha tumhen mire dil ki nahin khabar

pyare kahan se laon main is tarah ka jigar

hai bap ko asa-e-zaifi, jawan pisar

jab tum na hoge pas to mar jaega pidar

aise hanse na the ke hamen tum rulate ho

shadi ke din jo ae, to marne ko jate hain

raten ye aish ki hain muradon ke hain ye din

pure jawan nahin, abhi kya hai tumhara sin

akbar tiri jawani pe roenge uns-o-jin

kyun kar qarar aega man ko tumhare bin

kaisi hawa chali, chaman-e-rozgar mein

sayyad ka bagh lutta hai fasl-e-bahar mein

deta agar tumhen koi farzand zawaljalal

hoti pidar ki qadr samajhte hamara hal

rukhsat ka ap se yun hi karta wo jab sawal

tab jante ke dete use rukhsat-e-jidal

kya jane wo mizaj se us ka mila nahin

achchha sidharo tum se hamen kuchh gila nahin

taslim kar ke bole ali akbar-e-ghayur

lakhon baras jahan mein salamat rahen huzur

farmaya shah ne khair ajal bhi nahin hai dur

barchhi laga ke dil pe khushamad ye kya zarur

taqrir mein pidar ko na ab band kijiye

kheme mein ja ke man ko razamand kijiye

hain mubtala-e-ranj bhala kya hamara pyar

tum se jo pisar hun to is rah mein nisar

har dam khuda se khair ka hun main umidwar

han man na jane de to mira kya hai ikhtiyar

sine mein dil hilega badan thartharaega

rukhsat ka nam sunte hi ghash us ko aega

sab jante hain jo hai phuphi ko tumhari chah

maalum hoga jaoge jab su-e-khema gah

bahen gale mein dalegi zinib ba ashk-o-ah

qadmon pe gir ke ap ki man hogi sadd-e-rah

ye marhala bhi kam nahin zanjir-o-tauq se

donon raza jo den to chale jao shauq se

rote hue chale ali akbar su-e-khayyam

kanpa ye dil ke baith gae khak par imam

rota hua jo dewrhi se aya wo nek nam

dauri pisar ko dekh ke bano-e-tishna kam

daman se a ke bali sakina chimat gai

zinib balaen le ke gale se lipat gai

man gard phir ke boli ke ai mere gulizar

tum subh se gae the ab ae ye man nisar

dar par tarap tarap ke main jati thi bar bar

kholo bas ab kamar ke mira dil hai be qarar

garmi ye aur qaht kai din se ab ka

rukh tamtama gaya hai mire aftab ka

tar hai qaba pasine mein pankha koi bulao

suwunla gae ho dhup mein, wari hawa mein ao

jharun rida se gard mein, zulfon ki, baith jao

ghut jaega lahu mira ansu na tum bahao

sadma jo dil pe ho use kuchh munh se kahte hain

kya hai jo ashk nargisi ankhon se bahte hain

saghra ki to watan se kuchh ai nahin khabar

jaldi kaho ke munh se nikalta hai ab jigar

akbar ne arz ki ke hain sab khair se magar

lutta hai koi an mein khair-e-alnnasa ka ghar

milti nahin raza hamen ansu bahate hain

baba gila katane ko maidan mein jate hain

is waqt kis se dard-e-dil apna kahon main ah

tum bhi ho sadd-e-rah phuphi bhi hain sadd-e-rah

chhai hai wan ghata ki tarah sham ki sipah

aman madad karo ke kamar bandhte hain shah

ab zindagi hai talkh bahut diq hain jan se

ulfat ne ap ki hamen khoya jahan se

dete nahin raza jo imam-e-falak asas

khatir faqat ye ap ki hai aur phuphi ka pas

ab ghair-e-yas koi nahin un ke as pas

nataqati hai zof hai faqa hai aur pyas

kyun kar larenge wo ke sarapa zaif hain

piri hai dil zaif hai aaza zaif hain

abbas jab se mar gae rote hain dam ba dam

rukh zard hai kaman ki tarah ho gae hain gham

chillon mein tir jore hain wan bani-e-sitam

qurban hun kis tarah pisar-e-khatir fatima pe ham

sab rokte hain ran ki taraf jaen kis tarah

man ko phuphi ko bahnon ko samjhaen kis tarah

baba ka hukm hai ke raza ja ke man se lao

razi phuphi hun jab to laro aur zakhm khao

marzi hai ap ki ke mire pas se na jao

ya fatima tumhen ali akbar ke kam ao

chalne lagen na tir-e-shah-e-mashriqain par

nargha hai zalimon ka tumhara hasin par

dekhi gai na man se ye betabi pisar

waris ki be kisi pe laga kanpne jigar

hathon se dil ko tham ke boli wo nauha gar

daulat pe fatima ki tasadduq tamam ghar

pahle na kuchh kaha tha na ab rokti hun main

rote ho kis liye tumhen kab rokti hun main

zahra ke lal par mire madar pidar nisar

abid nisar asghar-e-tishna jigar nisar

janen hazar hun to fida lakh sar nisar

qurban ghar, kaniz-e-tasadduq, pisar nisar

kisrai go ke hun pe bahu mein ali ki hun

mangoge jo wo dungi ke laundi sakhi ki hun

mujh par hawala karte hain gar shah-e-khush khisal

rukhsat na tum ko dun ye bhala hai miri majal

sadqa unhen ka hai ke mila tum sa naunihal

rukhsat ka sadqe jaun phuphi se karo sawal

ham sab kanizen bint-e-amir-e-arab ki hain

asghar ho ya ke tum wahi mukhtar sab ki hain

kahne ko yun hain chahne wale tumhare sab

lekin hai un ke ishq se nisbat kisi ko kab

din ko unhon ne din kabhi jana na shab ko shab

lije unhen se ap ko jis shai ki hai talab

mujh se na kuchh na sayyad-e-ali se puchhiye

gar puchhiye to palne wali se puchhiye

rote hue gae ali akbar phuphi ke pas

dekha ke ghash pari hai zamin par wo haq shanas

zanu pe sar liye hue kabra hai be hawas

is hal mein bhi lab pe yahi hai kalam-e-yas

ab tab-o-taqat-e-jasad-o-ruh-o-dil gai

kyun sahabo! raza ali akbar ko mil gai

akbar se mujh ko ye na tawaqqo thi hai ghazab

itna nahin khayal ke hai kaun jan ba lab

us gul ne hae meri riyazat bhalai sab

nam-e-khuda jawan hue kya ham se kam ab

hain mahw ran ke shauq mein rukhsat ke dhyan mein

sach hai kisi ka kaun hua hai jahan mein

ya be hamare chain na ata tha koi dam

malik ab aur ho gae koi hue na ham

kya dakhl tha jo dewrhi se bahar rakhen qadam

hai hai wo mera dard-e-musibat wo ranj-o-gham

jagi hun main jo chaunk ke raton ko roe hain

puchho to kis ki chhati pe bachpan mein soe hain

kanghi kisi ke hath ki bhati na thi kabhi

be mere lete nind unhen ati na thi kabhi

be un ki man ki qabr pe jati na thi kabhi

roen pisar, pe un ko rulati na thi kabhi

mere siwa kisi ko kabhi jante na the

jo thi so main thi man ko to pahchante na the

har chand donon the mire farzand khurd sal

par in ke age un ka mujhe kuchh na tha khayal

raton ko jab lipatte the mujh se wo naunihal

main kahte thi hato ali akbar hai mera lal

wo donon marne wale to pahlu mein hote the

phaila ke paon ye miri chhati pe sote the

chhota to zid bhi karta tha raton ko barha

puraun kya aqil tha bakhshe use khuda

din rat thi khushamad-e-ham shakl mastafa

sine pe jab ye soe to us ne yahi kiya

aqa ke nur-e-ain hain ali maqam hain

aman ye shahzade hain aur ham ghulam hain

rahte the pas bap ke wo ghairat-e-qamar

ulfat mein un ki mujh ko kuchh un ki na thi khabar

quran parhne baithti thi jab dam-e-sahar

surat pe thi unhen ki tilawat mein bhi nazar

ghafil na un ke pyar se main ek an thi

quran to rahal par tha hamail mein jan thi

main ne unhen pe sadqe kiye apne donon lal

taskin thi ke baqi hai akbar sa naunihal

mange to age mujh se bhala rukhsat-e-jidal

niklungi sath kheme se bikhra ke sar ke bal

kya khub jite ji mare jaenge marne ko

talwar bandh li hai hamen zabh karne ko

bachpan mein tha na ham se ziyada kisi ka pyar

ab kya gharaz guzar gai wo fasl wo bahar

bhigen masen numud hua sabza-e-izar

malik hain khud bhala mira ab kya hai ikhtiyar

sabit hua idhar se idhar marne jaenge

main mar bhi jaungi to wo yan tak na aenge

bahar sidhare ya abhi hain man se kuchh kalam

bhabi ne kyun liya tha abhi ro ke mera nam

sine pe munh ko rakh ke ye bola wo lala fam

ankhen to ap kholiye hazir hai ye ghulam

khadim juda na tha shah-e-gardun sarir se

kis jurm pe huzur khafa hain haqir se

kya hai qusur jis pe ye ghussa hai ye itab

karta hun bat mein koi be marzi-e-janab

rota hun ab ke sabr ki mujh ko nahin hai tab

shikwa ye khaksar ka ai bint-e-botrab

har dukh mein har bala mein madadgar ap hain

pala hai mujh ko malik-o-mukhtar ap hain

paida hua to ap ki sohbat mujhe mili

karti hai ruh shukr wo rahat mujhe mili

yusuf ko kab mili thi jo daulat mujhe mili

rakha aziz ap ne izzat mujhe mili

sadqa hai is qadam ka jo sar ta falak gaya

ki mehr aftab ne, zarra chamak gaya

marzi na ho to ran ko bhi jae na ye ghulam

bande hain ham itaat-e-malik se ham ko kam

takrar ki majal na israr ka maqam

marte agar to is mein bhi tha ap hi ka nam

roti hain ap kis liye achchha na jaenge

par yad rakhiye munh na kisi ko dikhaenge

ye kah ke jhuk gaya jo qadam par wo zi waqar

bas ho gain mohabbat-e-qalbi se be qarar

phaila ke donon hathon ko uthen bahal-e-zar

shikwe ke badle munh se ye nikla ke main nisar

umda ye dil ke chashm ke saghar chhalak pare

dekha jo aftab ko ansu tapak pare

le kar balain bolen ke wari khafa na ho

sadqe hai tum pe jan hamari khafa na ho

baten thin ye to pyar ki sari khafa na ho

rote ho kyun mangao sawari khafa na ho

ae bala hasin pe jo us ko rad karo

achchha sidharo dukh mein pidar ki madad karo

ulfat ke josh mein to ye munh se kaha magar

utha ye dil mein dard ke tharra gaya jigar

kabra ko rote dekh ke boli wo nauha gar

kya majra hua mujhe mutlaq nahin khabar

main rokne na pai ke war un ka chal gaya

kya main ne kah diya ke kaleja nikal gaya

kya ja ke ab na aega ghar mein ye naunihal

hai hai miri kamai pe a jaega zawal

jis waqt se shahid hue ran mein donon lal

behosh hun, hawas mein hai mere ikhtilal

aisa hai iztirab ke kuchh jis ki had nahin

jo ap mein na ho sukhan us ka sanad nahin

main hosh mein na thi ye qadam par gire the jab

main bhi kahun, ye paon pe girne ka kya sabab

lo mujh pe ab khula ke ye rukhsat ki thi talab

akbar ko main ne hath se khoya tha hai ghazab

aslan khabar nahin mire dilbar ne kya kaha

main ne jawab kya diya akbar ne kya kaha

kya kah diya tha marne ko jae ye gul badan

razi hui thi main ke khizan ho mira chaman

bekhud hun jab se ran mein sidhare shah-e-zaman

kahti hun kuchh zaban se nikalta hai kuchh sukhan

itni khabar nahin ali akbar ke pyar mein

qabu mein hai na dil na zaban ikhtiyar mein

zindon mein hoti gar to ye kahti ke marne jaen

is pyas mein shahid hun faqon mein zakhm khaen

utha rawan baras hai dalhan to mujhe dikhaen

pala hai minnaton se, muraden miri baraen

marti hun ishtiyaq mein sehra to dekh lun

sehre ke niche chand sa chehra to dekh lun

rukhsat ke nam se mira phatta hai ab jigar

aisa na ho ke banoe be kis ko ho khabar

gar sun liya to dil mein kahegi wo nauha gar

pyara hua na bint-e-ali ko mira pisar

samjhen thin kya jo di use rukhsat jidal ki

zinib ne hae qadr na ki mere lal ki

sach hai ke us ki chah se nisbat mujhe kahan

hun lakh un ki chahne wali wo phir hai man

ankhon ka nur-e-qalb ki taqat badan ki jan

anch atma ki hai wo qayamat ke, alaman

kya sochte ho sahabo kuchh tum ko khair hai

man hai to man hai khalq mein phir ghair ghair hai

man ki na kam tawajjohi aur na kisi ka pyar

ghussa ho, ya ke sakht kahe dil mein hai nisar

bulbul fida hai gul pe, shikayat kare hazar

duniya mein ashiqon ke dilon ko kahan qarar

den man ka sath nam-e-khuda ab jawan hain

mera hai jab ye hal, phir us ki to jan hain

jis dam sune ye dur se bano ne sab kalam

ai qarib hazrat-e-zinib wo nek kam

ki gharaz hath jor ke ai khwahar-e-imam

main hun kaniz ap ki aur ye pisar ghulam

kis ki majal hai jo kahega ye kya kiya

bi bi ne di ghulam ko rukhsat, baja kiya

laundi hai fatima ki kanizon mein ba wafa

ho qata wo zaban jo kare ap ka gila

hazrat ko un ke sar pe salamat rakhe khuda

malik hain ap is mein kisi ko hai dakhl kya

kuchh jae guftugu hai na man ko na bap ko

hai dakhl izn dene na dene ka ap ko

gham khaiye na khun-e-jigar ap pijiye

abid ko bhej dijiye asghar ko bhejiye

hai ikhtiyar dijiye rukhsat na dijiye

qurban jaun jo ho munasib wo kijiye

shadi ho ya ke gham ho sharik-e-sawab hun

har tarah se main tabe-e-hukm-e-janab hun

ghar mera jab se lut gaya is ghar mein ai hun

shikwe ka koi harf kabhi lab pe lai hun

kisra ki go ke pauti hun sultan ki jai hun

laundi hun ap ki ali akbar ki dai hun

sadqa ye ap ka hai jo shah ko aziz hun

bhawaj na janiye mujhe adna kaniz hun

ap us ki man hain ap ka farzand hai ye lal

dakhl is muamla mein koi de ye kya majal

ye azim-e-jidal hai aur ap ka ye hal

qadmon ko chhorta na kabhi ye nako khisal

ap us ko chahti hain ye sadqe hai ap par

par kya kare ke aj musibat hai bap par

qismat buri hai is mein kisi ka qusur kya

achchha rahen ke jaen hamara bhi hai khuda

parwa hamari hai na khayal un ko ap ka

tabe ham ap ke bhi hain un par bhi hain fida

abid hun ya ke ye sabhi, ankhon ke tare hain

par ab to ye na ap ke hain, na hamare hain

ye sun ke kanpne lagi zinib jigar figar

ai sada-e-fatima beti ye man nisar

allah ye mohabbat-e-farzand aur ye pyar

tanha sitam ki fauj mein hai mera gul izar

rukhsat na degi to agar is nur-e-ain ko

kaun ab bachaega mire bekas hasin ko

awaz sun ke kanp gai bint-e-martaza

bano ke munh ko dekh ke akbar se ye kaha

wari sidharo khair jo kuchh marzi-e-khuda

tark-e-adab hai tum ko agar ab na dun raja

yan walida bahisht se tashrif lai hain

bint-e-nabi tumhari sifarish ko ai hain

taslim karke kheme se wo sim bar chala

pichhe haram ka qafila sab nange sar chala

bano pukarti thi ke pyara pisar chala

chillati thi pauphani mira lakht-e-jigar chala

lutte hain ahl-e-bit duhai imam ki

taswir ghar se jati hai khair illanam ki

bhai ke gham se abid-e-bekas the be qarar

uthte the aur zamin pe girte the barbar

bahnen pukarti thin ke bhayya tire nisar

sinon ko pitti thin khawasen ba hal-e-zar

ik hashr tha juda ali akbar jo hote the

jhule mein phut phut ke asghar bhi rote the

hilta tha khema randon mein thi, ye dhara dhari

ahon ki bijliyan thin to ashkon ki thi jhari

koi idhar ko ghash thi koi thi idhar pari

afat ka waqt tha to qayamat ki thi ghari

matam tha ye hasin ke taza jawan ka

jata hai ghar se jaise janaza jawan ka

nikla haram sara se jo wo nur-e-haq ka nur

khadim ne di sada ke baramad hue huzur

hazrat khare the kheme ki dewrhi se kuchh jo dur

dast-e-adab ko jor ke bola wo zi shuur

rukhsat hun ab jo hukm shah-e-namdar ho

ro kar kaha hasin ne achchha sawar ho

ghore pe shahzada-e-alam hua sawar

goya chale jihad ko mahbub kirdagar

tha sani-e-buraq falak sair rahwar

sarsar se tund-o-tez to bijli se be qarar

yun samne se wo dam-e-jaulan nikal gaya

goya hua pe takht-e-sulaiman nikal gaya

hazrat to yan zamin pe gire tham kar jigar

jasus ne ye lashkar-e-aada ko di khabar

ata hai ik jawan-e-hasin ghairat-e-qamar

chehra pe us ke nur mohammad hai jalwa gar

shan-o-shikwa sab asad-e-kibriya ki ki hai

kahte hain sab bashar nahin qudrat khuda ki hai

hai dhum zarre zarre mein is aftab ki

khushbu hai zulf-o-jism mein mushk-o-gulab ki

sar ta qadam hai shan-e-risalat mab ki

taswir hai rasul-e-khuda ke shabab ki

ghore ke gard jin-o-malak ka hujum hai

salo ali alnnabi ki bayaban mein dhum hai

raushan kya hai ru-e-munawwar ne rah ko

rukh par nahin thaharne ka yara nigah ko

hairan hai aql dekh ke zulf-e-siyah ko

aghosh mein liye hai shab-e-qadr mah ko

chehre ke nur se shab-e-mahtab mand hai

khaliq gawa h hai ke andhere ka chand hai

ye zikr tha ke nur-e-khuda jalwa gar hua

goya rasul-e-pak ka ran mein guzar hua

chillae ahl-e-sham ke tale qamar hua

hangam-e-zohr tha pe guman-e-sahar hua

jalwa dikhaya barq-e-tajalli tur ne

khurshid ko chhupa diya chehre ke nur ne

ghash kha gaya koi koi gir kar sambhala gaya

sal-e-ali kisi ki zaban se nikal gaya

khajlat se aftab ka naqshba badal gaya

chamka jo nur dhup ka jo ban bhi dhal gaya

dariya-e-nur-e-haq ka faqat auj-e-mauj tha

sab past the zamin ke sitare ka auj tha

sahra ko sham-e-husn ne taband kar diya

jo murda dil the dam mein unhen zinda kar diya

zarron ko aftab darakhshinda kar diya

gardun ko is zamin ne sharminda kar diya

paya zamin ka arsh ke ham dast ho gaya

jade se auj-e-kahkashan past ho gaya

allah re nabira-e-mushkil kusha ki shan

thi jis ke uzw uzw se paida khuda ki shan

hairan the log dekh ke us mah liqa ki shan

hamza ka rob zor-e-ali mustafa ki shan

pakizgi nasab mein buzurgi sifat mein

shirini-e-kalam husn bat bat mein

kuchh husn bachpane ka to kuchh amad-e-shabab

wo gul sa jism aur wo chehre ki ab-o-tab

apni jagah ye khal ke nuqte hain intikhab

putli ka nur jin ki siyahi se bahra yab

gardan ki zau mein taur tajalli-e-tur ke

sab uzw-e-tan dhale hue sanche mein nur ke

dil pak ruh pak natar pak jism-e-pak

tinat mein ab-e-khuld tha aur karbala ki khak

ghurfon se jis ke husn ki huron ko jhank tak

yusuf jo dekh len to kahe rohina fadak

nam us ka lauh par jo qalam ne raqam kiya

sau bar parh ke sura-e-nur us pe dam kiya

kya dakhl, char ho, jo kisi be adab ki ankh

rakhti thi rob ye, na ajam na arab ki ankh

lakhon the is taraf pe jhapakti thi sab ki ankh

ghussa sitam ka, qahr ki chitwan ghazab ki ankh

pani tha, khauf-e-jan se jigar, har diler ka

ahu shikar karte the maidan mein sher ka

ghul tha rasul-e-pak ke sani ko dekhna

husn-e-bahar-e-bagh-e-jawani ko dekhna

khulte hain gul shagufta bayani ko dekhna

ye sab to hai pe ghuncha dahani ko dekhna

nazuk lab is sifat ke dahan is tariq ka

khatam pe jur diya hai nagina aqiq ka

kuchh umr bhi nahin abhi utharawan hai sal

ye bagh kis bahar mein hota hai paimal

qamat ye hai ke sarw-e-gulistan-e-etidal

man bap dekh dekh ke kyun kar na hun nihal

ankhon ke samne jo ye qamat na hue gi

batlao man ke dil pe qayamat na hue gi

zakhmi jo hogi tir se ye chand si jabin

patkegi sar ko khak pe bano-e-dil hazin

teghon se jab katenge ye rukhsar naznin

pitenge donon hathon se munh apna shah-e-din

sina chhide pisar ka to kya dil ko kal pare

ayyub bhi jo hun to kaleja nikal pare

nagah fauj-e-kin se umar ne kiya kalam

ye waqt kar zar hai ai sakinan-e-sham

bas hai yahi bisat-e-shahanshah-e-khas-o-am

mara gaya ye sher to mar jaenge imam

luto janab fatima zahra ke bagh ko

thanda karo hasin ke ghar ke charagh ko

taswir mustafa ki mitaega aj jo

kahta hun main ke sahab-e-jagir hoga wo

mahbub-e-kibriya ke mushabeh hai gar to ho

ab maslahat yahi hai ke mohlat use na do

hai us se kya murad hasin hai ke nek hai

do lakh is taraf hain dilawar wo ek hai

duniya na jae din ka gar ho to ho zarar

tukre karo use ke ye dushman ka hai pisar

tum ab dida ho lab-e-khushk us ke dekh kar

qatra na dun main ghutniyon asghar bhi ae gar

ghair az yazid aur koi hukmaran na ho

aulad-e-murtaza mein kisi ka nishan na ho

han ghaziyo na us ki jawani ka gham karo

neze pe neze maro sitam par sitam karo

barchhi uthao hathon pe teghen alam karo

nakhl-e-murad-e-sibt-e-nabi ko qalam karo

beta na jab raha to kidhar jaenge hasin

ghore se ye girega to marjaen ge hasin

chhid jaega sinan se jo is sher ka jigar

tarpenge kya zamin pe shahanshah-e-bahr-o-bar

dewrhi se man pukaregi hai hai mira pisar

niklegi khema gah se zinib barahna sar

hazrat to pitte hue lashe pe aenge

ham lautne ko khema-e-aqdas mein jaenge

ye gul izar-e-dukhtar-e-haidar ki jan hai

bahnon ki zindagi hai baradar ki jan hai

baba ki ruh hai tan-e-madar ki jan hai

be jan karo use ke ye sab ghar ki jan hai

joshan yahi hai bazu-e-barnaoper ka

baad us ke khatima hai saghir-o-kabir ka

ye sun ke fauj-e-kin hui amada-e-nabard

dard-e-dil hasin ka tha ek ko na dard

ghul sun ke ho gaya shah-e-wala ka rang-e-zard

kanpe jo paon baith gae bhar ke ah-e-sard

man gir pari zamin pe phuphi bulbula gai

badli sitam ki wan ali akbar pe chha gai

qarna phakki sipah mein tabal-e-wagha baja

bandhe pare sawaron ne barh barh ke jabaja

paidal, chale nabard ko baje bajabaja

chalai ahl-e-bit ke hai hai ye kya baja

hazrat pukare lal pe aada ke rele hain

rando dua karo ali akbar akele hain

larne ko is taraf se adu sab ke sab barhe

tanha idhar se akbar-e-ali nasab barhe

chume qadam nahib ne jhuk kar ye jab barhe

goya piye jihad amir-e-arab barhe

dahshat se fauj-e-sham ki badli simat gai

qudrat khuda ki din jo barha rat ghut gai

dhalon ko rakh ke chehron pe gar gir pare husud

go the kai hazar pe kya un ki hast-o-bud

tharra gaya tamam janod-e-saqr-o-rod

nur-e-khuda ke samne zulmat ki kya numud

ibrat sipah-e-sham pe deh chand ho gai

bajon ki fauj-e-kin ke sada band ho gai

jarrar ki zira pe lage jab kai khadang

safdar ne parh ke fatiha, li tegh-e-shola rang

chamka ik aina ke hui fauj-e-sham-e-dang

dikhlae tegh-e-tez ne bijli ke rang dhang

thi kis ko tab saiqa-e-shola bar ki

yad a gai har ik ko chamak zualfaqar ki

tham tham ke yun gaya saf-e-aada pe wo diler

jata hai daun kar ke ghazalon pe jaise sher

ghazi jo bhuk pyas mein tha zindagi se sair

kishton ke pushte ho gae dam mein saron ke dher

ik sail zor shor se ai guzar gai

sabit na ye hua saf-e-awwal kidhar gai

jab ye barhe lahu tan-e-aada ka ghut gaya

baqi tha jo hisab wo lashon se pat gaya

lashkar mein fard fard ka chehra jo kat gaya

pas dafatan sipah ka daftar ulat gaya

sar dakhil-e-khazana-e-sarkar hogae

pahla hi jaiza tha ke bekar hoge

chehre pe ek ke na bahali nazar pari

jo saf bhari hui thi wo khali nazar pari

sar par sabhon ke tegh-e-hilali nazar pari

su-e-junub fauj-e-shumali nazar pari

ghul tha ke tegh-e-tez nahin maut ati hai

kyun kar qadam thamen ke zamin sarki jati hai

tukre pare the khak pe bhale idhar idhar

chhupte the dar ke barchhiyon wale idhar idhar

pesh-e-nazar the khun ke thale idhar idhar

abtar the dasht-e-kin mein risale idhar idhar

milta tha fasl ka na thikana na bab ka

shiraza khul gaya tha sitam ki kitab ka

barh kar kisi ne war jo roka sipar kati

char aina kata zira-e-khira sar kati

neze ki hargirah sifat-e-nishukr kati

sina kata jigar hua zakhmi kamar kati

rahwar bhi do nim miyan-e-masaf tha

un sab ke baad munh ko jo dekha to saf tha

wo ghat barh aur wo us ki chamak damak

kanpi kabhi zamin kabhi tharra gae falak

shole mein ye chamak thi na bijli mein ye lapak

har zarb mein sama se talatum tha ta samak

kaunain mein hawas baja the na ek ke

gao-e-zamin simatti thi ghanton ko tek ke

sidhi chali wo jab saf-e-dushman ulat gai

baqi thi jitni umr tah-e-tegh kat gai

a kar zamin pe jab su-e-gardan palat gai

bijli se raad raad se bijli lipat gai

girte the jin, zamin pe munh dhanp dhanp ke

hatte the jibrail amin kanp kanp ke

milta na tha safon mein alam ka nishan kahin

chale kahin the shist kahin aur kaman kahin

neze kahin the dand kahin aur sinan kahin

jamdhar kahin kamand kahin barchhiyan kahin

ik ik siyah ro ka jigar dagh dagh tha

jangal tamam dhalon ke phulon se bagh tha

chamki giri uthi idhar ai idhar gai

khali kiye pare to safen khun mein bhar gai

kate kabhi qadam kabhi bala-e-sar gai

naddi ghazab ki thi ke charhi aur utar gai

ik shor tha ye kya hai jo qahr-e-samad nahin

aisa to rod-e-nil mein bhi jazr-o-mad nahin

sar khud saron ke chambar-e-gardan se ur gae

hath astin se ur gae sar tan se ur gae

dar dar ke sab parind-e-nasheman se ur gae

pai jo rah tair-e-jan san se ur gae

the qatl-e-am par ali akbar tale hue

raste the band zakhmon ke kuche khule hue

allah re do zabani-e-tegh-e-do dam ka kat

afat thi jis ki barh qayamat tha jis ka ghat

maqtal se ta ba nahr tha dariya-e-khun ka pat

har dam thi us ko taza lahu chatne ki chat

sakhti ko jor band ke kab manti thi wo

har ustukhwan ko maghz qalam janti thi wo

ai jidhar palat ke safon ko bichha gai

tan se ura diya wahi sar jis ko pa gai

har ik kari ko narm samajh kar chaba gai

faulad ki zira ko ishare mein kha gai

char aina ka kat bhi us par hawala tha

zikr us ka kya hai khud to munh ka nawala tha

yara qarar ka tha na surat farar ki

paidal ki maut thi to kharabi sawar ki

roen tanon ko, tab na thi ek war ki

tukre the do ke hath ye ghai thi char ki

age barhe to munh wahin kat jae gew ka

bijli ki thi karak ke tamancha tha dew ka

utri zamin pe wo sar-e-dushman pe jab charhi

dam bhar mein ab-e-tegh ki naddi ghazab charhi

ik shor tha safon mein kab utri ye kab charhi

sab ko bukhar-e-tegh se larze ki tap charhi

maqtal se bhagne pe tunuk zarf tul gae

kanpe ye neza baz ke sab band khul gae

zinda kisi ko tegh-e-do dam chhorti na thi

pyasi ye thi ke jism mein dam chhorti na thi

be dam kiye gila koi dam chhorti na thi

bhagen kahan ke maut qadam chhorti na thi

khud wo dabe jo larte the ghoron ko dab ke

beri qadam mein ban gae, halqe rikab ke

qaaar-e-saqr mein kushta-e-zarb-e-nukhust the

be sar hue bahut jo larai mein chust the

qabza mein tha na zor na bazu durust hai

khinchen kise kamanon ke bazu bhi sust the

har kaj nihad tir ajal ka nishana tha

shane bhi the qalam ye naya shakhsana tha

teghon ko dar ke arbada jo phenkne lage

mighfar saron se misl-e-subu phenkne lage

halqe kaman ke sab lab jo phenkne lage

tinka samajh ke tir adu phenkne lage

tarkash bhi ahl-e-zulm ke afat rasida the

chale bhi kashmakash mein kaman se kashida the

karte the fath jang ko jo ek an mein

raasha tha un ke hath mein luknat zaban mein

uljhate the kamand kamine kaman mein

tarkash mein teghen rakhte the tiron ko miyan mein

talwar rakh ke hath se munh dhanp lete the

ati thi tegh jab to sipar phenk dete the

barhte the jo pare se bare bol bol ke

pahle unhen ko mar liya rol rol ke

hamla kiya jo tegh-e-do dam tol tol ke

hathiyar sab ne phenk diye khol khol ke

is shan se kabhi na ajam na arab lare

do din ki pyas mein ali akbar ghazab lare

dahshat se kitne dub ke dariya mein mar gae

is ghat par jo ae sar un ke utar gae

rasta tha ek idhar wo gae ya idhar gae

har phir ke har taraf se miyan-e-saqr gae

nar un ke ishtiyaq mein ab un ki lag mein

phenka hawa ne ab mein pani ne ag mein

wo harb wo shikwa wo shan-e-payambari

naare wo zor-o-shor ke wo zarb haidari

wo tegh-e-khun chakan wo jalal-e-ghazanfari

rakib jo rashk-e-hur to rahwar bhi pari

chalak ahuin-e-khutan is qadar na the

ur jata tha huma ki tarah aur par na the

barik jald wo ke nazar ae tan ka khun

kande ko dekh kar mah-e-nau howe sarnigun

raftar mein wo sehr ke pariyon ko ho junun

ghunche bhi kuchh bare hain kanoti ko kya karun

qurban hazar jan, faras be nazir par

paikan do charhe hue hain ek tir par

kotah-o-gard-o-saf kanoti kamar kafal

kya khushnuma kushadgi-e-sina-o-baghal

simab ki tarah nahin aram ek pal

phirta tha is tarah ke phire jis tarah se kal

rakib ne sans li ke wo koson rawana tha

tar-e-nafas bhi us ke liye taziyana tha

wo jast khez surat-e-chalaki samand

sanche mein the dhale hue sab us ke jor band

sum qurs-e-mahtab se raushan hazar chand

nazuk mizaj-o-shokh-o-siyah jism sar buland

gar hal gai hawa se zara bag ur gaya

putli sawar ki na phiri thi ke mur gaya

ahu ki jast sher ki amad pari ki chal

kabk-e-dari khajil par-e-taus paimal

sabza subuk rawi mein qadam ke tale nihal

ik do qadam mein bhul gae chaukari ghazal

jo a gaya qadam ke tale gard bard tha

chhal bal ghazab ki thi ke chhalawa bhi gard tha

bijli kabhi bana kabhi rahwar ban gaya

aya araq to abr-e-guhar bar ban gaya

gah qutb, gah gumbad-e-dawar ban gaya

nuqta kabhi bana kabhi parkar ban gaya

tiran the us ke gasht pe log is hujum ke

thori si ja mein phirta tha kya jhum jhum ke

jab is jari ne qatl kiye panch so jawan

har saf se har pare se utha shor-e-alaman

chillaya ibn-e-saad-e-siyah qalb-o-sakht jan

niklen wo das hazar kamandar hain kahan

barchhi ka ab hai kam na talwar chahiye

is naujawan pe tiron ki bauchhar chahiye

ye sun ke tishna lab pe chale char su se tir

patthar aqab se parne lage ru baro se tir

ate the fauj fauj, sipah-e-adu se tez

sab surkh the shabih-e-nabi ke lahu se tir

maqtal mein kya hujum tha is nur-e-ain par

parwane gir rahe the charagh-e-hasin par

sine pe tir kha ke uthaya jo rahwar

bijli chamak ke ho gai goya falak ke par

sar khak par girane lagi tegh-e-abdar

tiron ko phenk phenk ke bhage khata shiar

hamla kya tha jin pe rukh un ke to phir gae

par ye palat ke barchhiyon walon mein ghar gae

yun a gaya sinanon mein wo asman janab

ho jis tarah khutut-e-shuai mein aftab

sukhi zaban mein par gae kante baghair ab

taqat bhi fart-e-zof se dene lagi jawab

amad hui jo ghash ki sar-e-pak jhuk gaya

wahsarta ke hath bhi larne se ruk gaya

is hal mein bhi tegh se kin barchhiyan qalam

lekin jigar pe lag gaya ik neza-e-sitam

zakhm-e-jigar se bahne laga khun dam ba dam

nikle hue rikabon se tharrate the qadam

khincha jo us ne sine se neza takan ke sath

do para-e-jigar nikal ae sinan ke sath

neza laga ke bhag chala tha wo nabakar

qurban jurat-e-pisar-e-shah-e-namdar

zakhm-e-sinan tha sina-e-anwar ke war par

mari shaqi ko daur ke ik tegh-e-abdar

pahunchon se us ke hath qalam ho ke gir pare

lekin faras se ap bhi kham ho ke gir pare

girna tha bas ke sar pe laga garaz hai sitam

yun jhuk gae ke hote hain sajde mein jaise kham

rakh di gale par shis ne shamshir-e-tez dam

talwar ik pari ke huin pasliyan qalam

ghul tha karo na rahm tan-e-pash pash par

daura do ghore akbar-e-mehro ki lash par

hazrat khare the kheme ki pakre hue tanab

sun kar ye ghul rahi na dil-e-natawan ko tab

nagah ran se ai sada ai falak janab

beta jahan se jata hai ab aiye shitab

lashe pe zulm-o-jaur-e-bad afal karte hain

ghoron se ahl-e-kin hamen pamal karte hain

sun kar ye istighasa-e-farzand khush khisal

sayyad ne ah ki ke hila arsh zu aljalal

khole janab fatima ki betiyon ne bal

bano pukari khair to hai ai ali ke lal

hai hai pisar se kaun si madar bichhar gai

sahab batao kya miri basti ujar gai

neze se kis ke lal ka zakhmi hua jigar

karte hain kis ki lash ko pamal-e-ahl-e-shar

kahta hai kaun ran mein tarap kar pidarpidar

ab ghar se main nikalti hun hai hai mira pisar

parda na mujh se kijiye sab janti hun main

awaz ye usi ki hai pahchanti hun main

bano ko qasmen de ke chale shah-e-namdar

wo pyas aur wo dhup ka sadma wo iztirar

dil tha ulat palat to kaleja tha be qarar

uthte the aur zamin pe girte the barbar

chillate the shabih-e-payambar ham ate hain

ghabraiyo na ai ali akbar ham ate hain

beta pukaro phir ke basarat mein farq hai

ai nur-e-ain jism ki taqat mein farq hai

tum ye na janiyo ke mohabbat mein farq hai

zakhmi hai qalb ruh ki rahat mein farq hai

dagh-e-jigar mila hamen godi mein pal ke

kis ko dikhaun apna kaleja nikal ke

aun kidhar ko ai ali akbar jawab-e-do

chala rahi hai dewrhi pe madar jawab-e-do

akbar bara-e-khaliq-e-akbar jawab-e-do

beta jawab-e-do mire dilbar jawab-e-do

girte hain ham sawab ka hathon se kam lo

beta zaif bap ke bazu ko tham lo

kuchh sujhta nahin ke kidhar jaun kya karun

ai nur-e-chashm tujh ko kahan paon kya karun

muztar hai jan-o-dil kise samjhaun kya karun

kyun kar pisar ko dhundh ke main laun kya karun

paya tha muddaton mein jise khak chhan ke

wo lal ham ne kho diya jangal mein an ke

bas ab khabar hasin ki le jald ai ajal

ai jism-e-zar, zist ka baqi nahin mahal

ai jan-e-natawan tan-e-majruh se nikal

han ai nafas chhuri ki tarah se gale pe chal

chhote na us ka hath jo piri ki as ho

lasha bhi lasha-e-ali akbar ke pas ho

jangal se be hawas phire nahr par gae

wan bhi jo wo guhar na mila su-e-bar gae

daure kisi taraf to kisi ja thahar gae

thale mile lahu ke barabar jidhar gae

tapka hua zamin pe jigar ka lahu mila

lekin kahin na wo pisar-e-mah ru mila

ja kar safon ke pas pukare bashak-e-ah

hai kis taraf mire ali akbar ki qatl gah

ai zalimo, ye shab hai ke din ho gaya siyah

kis abr mein chhupa hai mira chaudhwin ka mah

batlao jan hai ke nahin jism-e-zar mein

zakhmi para hai sher mira kis kachhar mein

lash pisar ko dhundhte the shah-e-bahr-o-bar

sar pitne ki ja hai ke hanste the ahl-e-shahr

kahta tha shimr ai pisar-e-sayyad albashar

kis ko huzur dhundhte hain mar gaya pisar

khud dhundh lijiye jasad pash pash ko

batlaenge na ham ali akbar ki lash ko