تری طرف سے دل اے جان جاں اٹھا نہ سکے

تری طرف سے دل اے جان جاں اٹھا نہ سکے

بہت ضعیف تھے بار گراں اٹھا نہ سکے

ہزار بار بہار آئی لیکن اے صیاد

نگاہ ہم طرف بوستاں اٹھا نہ سکے

اسیر زلف جو مرتے ہیں تو وہ کہتے ہیں

ذرا بھی صدمۂ قید گراں اٹھا نہ سکے

سنیں جو یار کی باتیں غش آ گیا ہم کو

یہ ناتواں تھے کہ لطف بیاں اٹھا نہ سکے

tiri taraf se dil ai jan-e-jan utha na sake

bahut zaif the bar-e-giran utha na sake

hazar bar-e-bahar ai lekin ai sayyad

nigah ham taraf-e-bostan utha na sake

asir-e-zulf jo marte hain to wo kahte hain

zara bhi sadma-e-qaid-e-giran utha na sake

sunen jo yar ki baten ghash a gaya ham ko

ye natawan the ke lutf-e-bayan utha na sake