کیا شوخ اچپلے ہیں تیرے نین ممولا

کیا شوخ اچپلے ہیں تیرے نین ممولا

جن کوں نرکھ جلے ہیں سب من ہرن ممولا

بر میں خیال کے بھی کیوں کر کے آ سکے دل

نازک ہے جان سیتی تیرا بدن ممولا

جو اک نگہ کرو تم کرتے ہو کام سو تم

سیکھے کہاں سیں ہو تم یہ مکر و فن ممولا

آزاد سب جگت کے آ کر غلام ہوویں

جب بودلی بناوے اپنا برن ممولا

قد سرو چشم نرگس رخ گل دہان غنچہ

کرتا ہوں دیکھ تم کوں سیر چمن ممولا

ہر رات شمع کے جوں جلتی ہے جان میری

جب سیں لگی ہے تم سیں دل کی لگن ممولا

kya shokh achpale hain tere nain mamola

jin kun narakh jale hain sab man hiran mamola

bar mein khayal ke bhi kyun kar ke a sake dil

nazuk hai jan saiti tera badan mamola

jo ik nigah karo tum karte ho kam so tum

sikhe kahan sin ho tum ye makr-o-fan mamola

azad sab jagat ke a kar ghulam howen

jab bodli banawe apna baran mamola

qad sarw chashm-e-nargis rukh-e-gul dahan-e-ghuncha

karta hun dekh tum kun sair-e-chaman mamola

har rat shama ke jun jalti hai jan meri

jab sin lagi hai tum sin dil ki lagan mamola