کی شب حشر مری شام جوانی تم نے

کی شب حشر مری شام جوانی تم نے

چھیڑی کس دور کی کس وقت کہانی تم نے

معنی و لفظ میں جو ربط ہے میں جان گیا

کھولے اس طرح سے اسرار معانی تم نے

میری آنکھوں ہی میں تھے ان کہے پہلو اس کے

وہ جو اک بات سنی میری زبانی تم نے

میری تاریخ نے دائم تمہیں باقی سمجھا

رکھا ہر دور میں دائم مجھے فانی تم نے

میں تو ہر دھوپ میں سایوں کا رہا ہوں جویا

مجھ سے لکھوائی سرابوں کی کہانی تم نے

میری ہر بات میں سو عیب تھے ہر عیب میں شاخ

یہ غنیمت ہے مری قدر بھی جانی تم نے

ki shab-e-hashr miri sham-e-jawani tum ne

chheri kis daur ki kis waqt kahani tum ne

maani-o-lafz mein jo rabt hai main jan gaya

khole is tarah se asrar-e-maani tum ne

meri ankhon hi mein the an kahe pahlu us ke

wo jo ik bat suni meri zabani tum ne

meri tarikh ne daim tumhen baqi samjha

rakha har daur mein daim mujhe fani tum ne

main to har dhup mein sayon ka raha hun joya

mujh se likhwai sarabon ki kahani tum ne

meri har bat mein so aib the har aib mein shakh

ye ghanimat hai miri qadr bhi jani tum ne