کہیں ظاہر یہ تیری چاہ نہ کی

کہیں ظاہر یہ تیری چاہ نہ کی

مرتے مرتے بھی ہم نے آہ نہ کی

تو نگہ کی نہ کی خدا جانے

ہم تو ڈر سے کبھو نگاہ نہ کی

سب کے جی میں یہ نالہ ہو گزرا

ایک تیرے ہی دل میں راہ نہ کی

آہ مر گئے پہ ناتوانی

ایک بھی آہ سربراہ نہ کی

وہ کسو اور سے کرے گا کیا

جن نے تجھ سے اثرؔ نباہ نہ کی

kahin zahir ye teri chah na ki

marte marte bhi ham ne ah na ki

tu nigah ki na ki khuda jane

ham to dar se kabhu nigah na ki

sab ke ji mein ye nala ho guzra

ek tere hi dil mein rah na ki

ah mar gae pe natawani

ek bhi ah sarbarah na ki

wo kisu aur se karega kiya

jin ne tujh se asar nibah na ki