کہو بتوں سے کہ ہم طبع سادہ رکھتے ہیں

کہو بتوں سے کہ ہم طبع سادہ رکھتے ہیں

پھر ان سے عرض وفا کا ارادہ رکھتے ہیں

یہی خطا ہے کہ اس گیر و دار میں ہم لوگ

دل شگفتہ جبین کشادہ رکھتے ہیں

خدا گواہ کہ اصنام سے ہے کم رغبت

صنم گری کی تمنا زیادہ رکھتے ہیں

دکان بادہ فروشاں کے صحن میں عابدؔ

فرشتے خلد کا اک در کشادہ رکھتے ہیں

kaho buton se ke ham taba sada rakhte hain

phir un se arz-e-wafa ka irada rakhte hain

yahi khata hai ke is gir-o-dar mein ham log

dil-e-shagufta jabin-e-kushada rakhte hain

khuda gawah ke asnam se hai kam raghbat

sanam giri ki tamanna ziyada rakhte hain

dukan-e-bada faroshan ke sehn mein abid

farishte khuld ka ik dar kushada rakhte hain