کہنے سے نہ منع کر کہوں گا

کہنے سے نہ منع کر کہوں گا

تو میری نہ سن مگر کہوں گا

تم آپ ہی آئے یوں ہی سچ ہے

نالے کو نہ بے اثر کہوں گا

گر کچھ بھی سنیں گے وہ شب وصل

کیا کیا نہ میں تا سحر کہوں گا

کہتے ہیں جو چاہتے ہیں دشمن

میں اور تمہیں فتنہ گر کہوں گا

کہتے تو یہ ہو کہ تو ہے اچھا

مانو گے برا اگر کہوں گا

یوں دیکھ کے مجھ کو مسکرانا

پھر تم کو میں بے خبر کہوں گا

اک بات لکھی ہے کیا ہی میں نے

تجھ سے تو نہ نامہ بر کہوں گا

کب تم تو کہو گے مجھ سے پوچھو

میں باعث درد سر کہوں گا

تجھ سے ہی چھپاؤں گا غم اپنا

تجھ سے ہی کہوں گا گر کہوں گا

معلوم ہے مجھ کو جو کہو گے

میں تم سے بھی پیشتر کہوں گا

حیرت سے کچھ ان سے کہہ سکوں گا

بھولوں گا کا ادھر ادھر کہوں گا

کچھ درد جگر کا ہوگا باعث

کیوں تجھ سے میں چارہ گر کہوں گا

اب حال نظامؔ کچھ نہ پوچھو

غم ہوگا تمہیں بھی گر کہوں گا

kahne se na mana kar kahunga

tu meri na sun magar kahunga

tum ap hi ae yun hi sach hai

nale ko na be asar kahunga

gar kuchh bhi sunenge wo shab-e-wasl

kya kya na main ta sahar kahunga

kahte hain jo chahte hain dushman

main aur tumhen fitna gar kahunga

kahte to ye ho ke tu hai achchha

manoge bura agar kahunga

yun dekh ke mujh ko muskurana

phir tum ko main be khabar kahunga

ik bat likhi hai kya hi main ne

tujh se to na nama bar kahunga

kab tum to kahoge mujh se puchho

main bais-e-dard-e-sar kahunga

tujh se hi chhupaunga gham apna

tujh se hi kahunga gar kahunga

maalum hai mujh ko jo kahoge

main tum se bhi peshtar kahunga

hairat se kuchh un se kah sakunga

bhulunga ka idhar idhar kahunga

kuchh dard-e-jigar ka hoga bais

kyun tujh se main chara gar kahunga

ab hal nizam kuchh na puchho

gham hoga tumhen bhi gar kahunga