کہتے ہیں نالۂ حزیں سن کے

کہتے ہیں نالۂ حزیں سن کے

سو دل گداز ہیں دھن کے

سر اگر کاٹنا ہے چن چن کے

آستین چڑھاؤ چن چن کے

شمع و پروانہ شب کو تھے دل سوز

رہ گئے صبح تک وہ جل بھن کے

گھن لگا موت کا جو اعضا میں

استخواں خاک ہو گئے گھن کے

میں وہ نالاں ہوں جس کے ہم سایہ

کوستے ہیں فغاں مری سن کے

کٹ سکا کوہ غم نہ آخر کار

کوہ کن سر کو رہ گیا دھن کے

نام آور جو میرؔ تھے اے شادؔ

اب ہمیں اک نشان ہیں ان کے

kahte hain nala-e-hazin sun ke

so dil gudaz hain dhun ke

sar agar katna hai chun chun ke

astin-e-charhao chun chun ke

shama-o-parwana shab ko the dil soz

rah gae subh tak wo jal bhan ke

ghin laga maut ka jo aaza mein

ustukhwan khak ho gae ghin ke

main wo nalan hun jis ke ham saya

koste hain fughan miri sun ke

kat saka koh-e-gham na akhir kar

koh kin sar ko rah gaya dhun ke

nam awar jo mir the ai shad

ab hamen ik nishan hain un ke