کہتے ہیں تیری لاش پہ آیا نہ جائے گا

کہتے ہیں تیری لاش پہ آیا نہ جائے گا

تو ان سے خاک میں بھی ملایا نہ جائے گا

رحمت پہ تجھ کو ناز ہے عصیاں پہ مجھ کو ناز

سر تیرے سامنے تو جھکایا نہ جائے گا

نظروں سے گرنے والے کو کافی ہے اک نظر

کچھ نقش پا نہیں کہ اٹھایا نہ جائے گا

تکلیف کر تبسم پنہاں سے پوچھ لے

زخم نہاں کو مجھ سے دکھایا نہ جائے گا

مٹتا ہے کوئی ہستئ موہوم کا خیال

وہ پردہ پڑ گیا کہ اٹھایا نہ جائے گا

وارفتگئ شوق میں لذت یہی ہے گر

بیخودؔ سے اپنے آپ میں آیا نہ جائے گا

kahte hain teri lash pe aya na jaega

tu un se khak mein bhi milaya na jaega

rahmat pe tujh ko naz hai isyan pe mujh ko naz

sar tere samne to jhukaya na jaega

nazron se girne wale ko kafi hai ik nazar

kuchh naqsh-e-pa nahin ke uthaya na jaega

taklif kar tabassum-e-pinhan se puchh le

zakhm-e-nihan ko mujh se dikhaya na jaega

mitta hai koi hasti-e-mauhum ka khayal

wo parda par gaya ke uthaya na jaega

waraftagi-e-shauq mein lazzat yahi hai gar

bekhud se apne ap mein aya na jaega