کہنا ترے منہ پر تو نپٹ بے ادبی ہے

کہنا ترے منہ پر تو نپٹ بے ادبی ہے

زاہد جو صفت تجھ میں ہے سوزن جلبی ہے

اس دشت میں اے سیل سنبھل ہی کے قدم رکھ

ہر سمت کو یاں دفن مری تشنہ لبی ہے

ہر اک سے کہا نیند میں پر کوئی نہ سمجھا

شاید کہ مرے حال کا قصہ عربی ہے

عزلت سے نکل شیخ کہ تیرے لیے تیار

کوئی ہفت گزی میخ کوئی دہ وجبی ہے

اے چرخ نہ تو روز سیہ میرؔ پہ لانا

بیچارہ وہ اک نعرہ زن نیم شبی ہے

kahna tire munh par to nipat be adabi hai

zahid jo sifat tujh mein hai sozan jalbi hai

is dasht mein ai sail sambhal hi ke qadam rakh

har samt ko yan dafn miri tishna labi hai

har ik se kaha nind mein par koi na samjha

shayad ke mire hal ka qissa arabi hai

uzlat se nikal shaikh ke tere liye tayyar

koi haft gazi mikh koi da wajbi hai

ai charkh na to roz-e-siyah mir pe lana

bechara wo ik naara zan nim shabi hai