ترا ہم نے جس کو طلب گار دیکھا

ترا ہم نے جس کو طلب گار دیکھا

اسے اپنی ہستی سے بے زار دیکھا

ادا ہی کی حسرت میں سب مر گئے سچ

تجلی کو کس نے بہ تکرار دیکھا

تری آنکھ بھر جس نے تصویر دیکھی

وہ تصویر سا نقش دیوار دیکھا

عجب کچھ زمانے کی ہے رسم یارو

جو ہے کام کا اس کو بیکار دیکھا

ولیکن اچنبھا بڑا مجھ کو یہ ہے

کہ ٹک سوزؔ کا گرم بازار دیکھا

tira ham ne jis ko talab gar dekha

use apni hasti se be zar dekha

ada hi ki hasrat mein sab mar gae sach

tajalli ko kis ne ba takrar dekha

tiri ankh bhar jis ne taswir dekhi

wo taswir sa naqsh-e-diwar dekha

ajab kuchh zamane ki hai rasm-e-yaro

jo hai kam ka us ko bekar dekha

walekin achambha bara mujh ko ye hai

ke tuk soz ka garm bazar dekha