کہنا بڑوں کا مانو

ماں باپ اور استاد سب ہیں خدا کی رحمت

ہے روک ٹوک ان کی حق میں تمہارے نعمت

کڑوی نصیحتوں میں ان کی بھرا ہے امرت

چاہو اگر بڑائی تو کہنا بڑوں کا مانو

ماں باپ کا عزیزو مانا نہ جس نے کہنا

دشوار ہے جہاں میں عزت سے اس کا رہنا

ڈر ہے پڑے نہ صدمہ ذلت کا اس کا سہنا

چاہو اگر بڑائی تو کہنا بڑوں کا مانو

تم کو خبر نہیں کچھ اپنے بھلے برے کی

جتنی ہے عمر چھوٹی اتنی ہے عقل چھوٹی

ہے بہتری اسی میں ہے جو بڑوں کی مرضی

چاہو اگر بڑائی تو کہنا بڑوں کا مانو

man bap aur ustad sab hain khuda ki rahmat

hai rok tok un ki haq mein tumhare nemat

karwi nasihaton mein un ki bhara hai amrit

chaho agar barai to kahna baron ka mano

man bap ka azizo mana na jis ne kahna

dushwar hai jahan mein izzat se us ka rahna

dar hai pare na sadma zillat ka us ka sahna

chaho agar barai to kahna baron ka mano

tum ko khabar nahin kuchh apne bhale bure ki

jitni hai umr chhoti itni hai aql chhoti

hai behtari isi mein hai jo baron ki marzi

chaho agar barai to kahna baron ka mano