کہو تم کس سبب روٹھے ہو پیارے بے گنہ ہم سیں

کہو تم کس سبب روٹھے ہو پیارے بے گنہ ہم سیں

چرانے کیوں لگی ہیں یوں تری انکھیاں نگہ ہم سیں

اتی نامہربانی کیوں کری ناحق غریبوں پر

کیا کیا ہم نیں ظالم اپنے جی کی بات کہہ ہم سیں

کیا تھا نقد جاں اپنا نثار اس واسطے تم پر

کہ بے تقصیر یوں دل میں رکھو گے تم گرہ ہم سیں

تغافل چھوڑنا ظالم بے تکلف ہو ستم مت کر

کپٹ کی آشنائی یہ نہیں سکتی نبہ ہم سیں

تمہاری طرح ملنا چھوڑ کر بے درد ہو رہنا

کہو کیوں کر یہ سکتا ہے جیتے جیو یہ گنہ ہم سیں

لگے ہیں غیر فرزیں کی طرح مل کج روی کرنے

ہمیشہ جو کہ کھا جاتے ہیں سب باتوں میں شہ ہم سیں

میں اپنی جان سیں حاضر ہوں لیکن آبروؔ تو رکھ

خدا کے واسطے ایتا بھی روکھا تو نہ رہ ہم سیں

kaho tum kis sabab ruthe ho pyare be gunah ham sin

churane kyun lagi hain yun tiri ankhiyan nigah ham sin

iti namehrbani kyun kari nahaq gharibon par

kiya kya ham nain zalim apne ji ki bat kah ham sin

kya tha naqd-e-jan apna nisar is waste tum par

ke be taqsir yun dil mein rakhoge tum girah ham sin

taghaful chhorna zalim be takalluf ho sitam mat kar

kapat ki ashnai ye nahin sakti naba ham sin

tumhari tarah milna chhor kar be dard ho rahna

kaho kyun kar ye sakta hai jite jiyo ye gunah ham sin

lage hain ghair farzin ki tarah mil kaj rawi karne

hamesha jo ke kha jate hain sab baton mein shah ham sin

main apni jan sin hazir hun lekin abru to rakh

khuda ke waste ita bhi rukha to na rah ham sin