کہاں رکیں گے مسافر نئے زمانوں کے

کہاں رکیں گے مسافر نئے زمانوں کے

بدل رہا ہے جنوں زاویے اڑانوں کے

یہ دل کا زخم ہے اک روز بھر ہی جائے گا

شگاف پر نہیں ہوتے فقط چٹانوں کے

چھلک چھلک کے بڑھا میری سمت نیند کا جام

پگھل پگھل کے گرے قفل قید خانوں کے

ہوا کے دشت میں تنہائی کا گزر ہی نہیں

مرے رفیق ہیں مطرب گئے زمانوں کے

کبھی ہمارے نقوش قدم کو ترسیں گے

وہی جو آج ستارے ہیں آسمانوں کے

kahan rukenge musafir nae zamanon ke

badal raha hai junun zawiye uranon ke

ye dil ka zakhm hai ik roz bhar hi jaega

shigaf par nahin hote faqat chatanon ke

chhalak chhalak ke barha meri samt nind ka jam

pighal pighal ke gire qufl-e-qaid khanon ke

hawa ke dasht mein tanhai ka guzar hi nahin

mire rafiq hain mutrib gae zamanon ke

kabhi hamare nuqush-e-qadam ko tarsenge

wahi jo aj sitare hain asmanon ke