کہاں طاقت یہ روسی کو کہاں ہمت یہ جرمن کو

کہاں طاقت یہ روسی کو کہاں ہمت یہ جرمن کو

کہ دیکھے چشم کج سے بھی مری شاخ نشیمن کو

وفا دشمن یہ عالم اب تو ہے تیری نوازش سے

کہ رحم آنے لگا میری زبوں حالی پہ دشمن کو

نہ اب صیاد کا کھٹکا نہ اب گلچیں کا اندیشہ

کرم نے باغباں کے پھونک ڈالا میرے گلشن کو

بھلا ان بجلیوں کی شعلہ سامانی کو کیا کہئے

جنہوں نے ٹکڑے ٹکڑے کر دیا ہو دشت ایمن کو

اٹھائے ہیں یہ فتنے نرگس غماز نے ورنہ

نہ بت سے شیخ کو ضد ہے نہ کعبے سے برہمن کو

لگاوٹ کا یہ فن باد سحر نے مجھ سے سیکھا ہے

گلوں کو گدگدایا اور نہ لپٹے خار دامن کو

kahan taqat ye rusi ko kahan himmat ye jarman ko

ke dekhe chashm-e-kaj se bhi miri shakh-e-nasheman ko

wafa dushman ye alam ab to hai teri nawazish se

ke rahm ane laga meri zabun hali pe dushman ko

na ab sayyad ka khatka na ab gulchin ka andesha

karam ne baghban ke phunk dala mere gulshan ko

bhala in bijliyon ki shola samani ko kya kahiye

jinhon ne tukre tukre kar diya ho dasht-e-eman ko

uthae hain ye fitne nargis-e-ghammaz ne warna

na but se shaikh ko zid hai na kaabe se barahman ko

lagawat ka ye fan bad-e-sahar ne mujh se sikha hai

gulon ko gudgudaya aur na lipte khar daman ko