کہاں لے جائے گی دیکھوں یہ میری آرزو مجھ کو

کہاں لے جائے گی دیکھوں یہ میری آرزو مجھ کو

لیے پھرتی ہے ہر جانب تمہاری جستجو مجھ کو

بر آتی آرزو مدت پہ مجھ برگشتہ قسمت کی

بلاتے اپنی محفل میں اگر تم روبرو مجھ کو

محبت ایسی شے ہے جس سے باز آئے کوئی عاشق

پسند آتی نہیں ناصح تمہاری گفتگو مجھ کو

تڑپ کر جسم خاکی سے نکل جاتی یہ جاں اپنی

نہ سمجھاتی شب فرقت جو تیری آرزو مجھ کو

محبت میں کسی گل کے جلا جاتا ہے دل اپنا

جمیلہؔ مثل شبنم ہو گئی رونے کی خو مجھ کو

kahan le jaegi dekhun ye meri arzu mujh ko

liye phirti hai har janib tumhari justuju mujh ko

bar ati arzu muddat pe mujh bargashta qismat ki

bulate apni mahfil mein agar tum rubaru mujh ko

mohabbat aisi shai hai jis se baz ae koi ashiq

pasand ati nahin naseh tumhari guftugu mujh ko

tarap kar jism-e-khaki se nikal jati ye jan apni

na samjhati shab-e-furqat jo teri arzu mujh ko

mohabbat mein kisi gul ke jala jata hai dil apna

jamilahu misl-e-shabnam ho gai rone ki khu mujh ko