Arooz is now on the App Store, for iPhone and iPad. Download →

All poetry

کھوتا ہی نہیں ہے ہوس مطعم و ملبس

Taban Abdul Hai (1715–1749)

کھوتا ہی نہیں ہے ہوس مطعم و ملبس

یہ نفس ہوس ناک و بد آموز و مہوس

بے شبہ تری ذات خداوند خلائق

اعلیٰ ہے تعالی ہے معلیٰ ہے مقدس

وہ کام تو کر جس سے تری گور ہو گل زار

کیا خانئہ دیوار کو کرتا ہے مقرنس

مدفن کے تئیں آگے ہی منعم نہ بنا رکھ

کیا جانیے واں دفن ہو یا کھائے گا کرگس

ہے وصل ترا جنت و دوزخ ہی جدا ہے

جانے ہے کب اس باب کے تئیں ہر کس و ناکس

تصویر ترے پنجۂ سیمیں کی طلا سے

کہنے کو مرے دل کے سن اے گلشن خوبی

گر ہے تو ترے کو ہے یہ فردوس یہ مردس

سن سن کے ترا شور وہ بیزار ہوا اور

نالے کا اثر تیرے دلا دیکھ لیا بس

اس جبہ و عمامہ سے رندوں میں نہ آؤ

رسوا نہ کرو شیخ جی یہ شکل مقدس

مانند کماں خم نہ کروں قد کو طمع سے

گردش میں رکھے گو مجھے یہ چرخ مقدس

ہر رات ہے عاشق کو ترے روز قیامت

ہر روز جدائی میں اسے ہو ہے حندس

تاباںؔ یہ غزل اہل شعوروں کے لیے ہے

احمق نہ کوئی سمجھے تو جانے مرا دھندس