کہا اغیار کا حق میں مرے منظور مت کیجو

کہا اغیار کا حق میں مرے منظور مت کیجو

مجھے نزدیک سے اپنے کبھو تو دور مت کیجو

ہوئے سنگ جفا سے شیشۂ دل کے کئی ٹکڑے

بس اب اس سے زیادہ اور چکناچور مت کیجو

مرے مرہم گزار اس شوخ بے پروا سے یہ کہیو

کہ ظالم زخم تازہ ہے اسے ناسور مت کیجو

حقارت اپنے عاشق کی نہیں معشوق کو بھاتی

بیاںؔ سعی اپنی رسوائی میں تا مقدور مت کیجو

کہا تھا سارباں کے کان میں لیلیٰ نے آہستہ

کہ مجنوں کی خرابی کا کہیں مذکور مت کیجو

kaha aghyar ka haq mein mire manzur mat kijo

mujhe nazdik se apne kabhu to dur mat kijo

hue sang-e-jafa se shisha-e-dil ke kai tukre

bas ab is se ziyada aur chuknachur mat kijo

mire marham guzar us shokh be parwa se ye kahiyo

ke zalim zakhm-e-taza hai use nasur mat kijo

hiqarat apne ashiq ki nahin maashuq ko bhati

bayan sai apni ruswai mein ta maqdur mat kijo

kaha tha sarban ke kan mein laila ne ahista

ke majnun ki kharabi ka kahin mazkur mat kijo