کھو کے دل میرا تمہیں نا حق پشیمانی ہوئی

کھو کے دل میرا تمہیں نا حق پشیمانی ہوئی

تم سے نادانی ہوئی یا مجھ سے نادانی ہوئی

اللہ اللہ پھوٹ نکلا رنگ چاہت کا مری

زہر کھایا میں نے پوشاک آپ کی دھانی ہوئی

ہم کو ہو سکتا نہیں دھوکا ہجوم حشر میں

تیری صورت ہے ازل سے جانی پہچانی ہوئی

اے صبا میں اور کیا دوں قبر مجنوں کے لئے

خاک تھوڑی سی چڑھا دینا مری چھانی ہوئی

یار کے ہاتھوں ہوا جو کچھ ہوا اے تیغ ناز

تیری عریانی ہوئی یا میری قربانی ہوئی

کر گئی دیوانگی ہم کو بری ہر جرم سے

چاک دامانی سے اپنی چاک دامانی ہوئی

باڑھ دی بانکی اداؤں نے جو خنجر کو جلیلؔ

ذبح کرنے میں مرے قاتل کو آسانی ہوئی

kho ke dil mera tumhen na haq pashemani hui

tum se nadani hui ya mujh se nadani hui

allah allah phut nikla rang chahat ka miri

zahr khaya main ne poshak ap ki dhani hui

ham ko ho sakta nahin dhoka hujum-e-hashr mein

teri surat hai azal se jani pahchani hui

ai saba mein aur kiya dun qabr majnun ke liye

khak thori si charha dena miri chhani hui

yar ke hathon hua jo kuchh hua ai tegh-e-naz

teri uryani hui ya meri qurbani hui

kar gai diwangi ham ko buri har jurm se

chak damani se apni chak damani hui

barh di banki adaon ne jo khanjar ko jalil

zabh karne mein mire qatil ko asani hui