کھل گیا ان کی مسیحائی کا عالم شب وصل

کھل گیا ان کی مسیحائی کا عالم شب وصل

میرا دم بند ہے دیتے ہیں مجھے دم شب وصل

جیب کے پرزے اڑے پھٹ گئی محرم شب وصل

میرے ان کے رہا کچھ اور ہی عالم شب وصل

جی میں ہے کہئے موذن سے یہ ہمدم شب وصل

یوں نہ چیخا کرو اے قبلۂ عالم شب وصل

وہ نہ سوئے ہوں جدا یا نہ لڑے ہوں ہم سے

اس طرح کی ہوئی صحبت تو بہت کم شب وصل

صبح ہوتے ہی مجھے اشکوں سے منہ دھونا ہے

مجھ سے آنکھیں نہ چرا دیدۂ پر نم شب وصل

khul gaya un ki masihai ka alam shab-e-wasl

mera dam band hai dete hain mujhe dam shab-e-wasl

jeb ke purze ure phat gai mahram shab-e-wasl

mere un ke raha kuchh aur hi alam shab-e-wasl

ji mein hai kahiye muazzin se ye hamdam shab-e-wasl

yun na chikha karo ai qibla-e-alam shab-e-wasl

wo na soe hun juda ya na lare hun ham se

is tarah ki hui sohbat to bahut kam shab-e-wasl

subh hote hi mujhe ashkon se munh dhona hai

mujh se ankhen na chura dida-e-pur nam shab-e-wasl