کچھ میں نے کہی ہے نہ ابھی اس نے سنی ہے

کچھ میں نے کہی ہے نہ ابھی اس نے سنی ہے

چتون ہے کہ تلوار لئے سر پہ کھڑی ہے

آنے کو ہے کوئی جو للک پھر سے ہوئی ہے

ڈوبے ہوئے سورج کی کرن پھوٹ رہی ہے

ہے پگھلی ہوئی آگ کہ جلتے ہوئے آنسو

لوکا وہیں اٹھا ہے جہاں بوند پڑی ہے

جب سکھ نہیں جینے میں تو اک روگ ہے جینا

سانس آئی ہے جب چوٹ کلیجے میں لگی ہے

کل کیا کہیں دیکھیں وہ بدلتی ہوئی چتون

سو آسرے ٹوٹے ہیں تو اک آس بندھی ہے

میں کچھ نہ کہوں اور وہ جو چاہے کہے جائیں

اب روکی ہوئی سانس گلا گھونٹ رہی ہے

کہنے کو تو آتی ہے انہیں ہاں بھی نہیں بھی

ہو جس پہ بھروسہ نہ وہی ہے نہ یہی ہے

ابھرے ہوے چھالے ہیں ہے روکا ہوا آنسو

بس بجھ چکی یہ آگ کہ پانی سے لگی ہے

kuchh main ne kahi hai na abhi us ne suni hai

chitwan hai ke talwar liye sar pe khari hai

ane ko hai koi jo lalak phir se hui hai

dube hue suraj ki kiran phut rahi hai

hai pighli hui ag ke jalte hue ansu

lauka wahin utha hai jahan bund pari hai

jab sukh nahin jine mein to ik rog hai jina

sans ai hai jab chot kaleje mein lagi hai

kal kya kahen dekhen wo badalti hui chitwan

so asre tute hain to ik as bandhi hai

main kuchh na kahun aur wo jo chahe kahe jaen

ab roki hui sans gila ghunt rahi hai

kahne ko to ati hai unhen han bhi nahin bhi

ho jis pe bharosa na wahi hai na yahi hai

ubhre hue chhale hain hai roka hua ansu

bas bujh chuki ye ag ke pani se lagi hai