تری طہارت کو شیخ کہہ تو کہاں سے لائیں اک آب جو ہم

تری طہارت کو شیخ کہہ تو کہاں سے لائیں اک آب جو ہم

طواف دل کا ہے قصد ہم کو کریں ہیں آنسو سے نت وضو ہم

بتنگ آئے ہیں زندگی سے رہیں گے خوف فنا میں کب تک

جو ہونی ہو سو شتاب ہووے کھڑے ہیں قاتل کے رو بہ رو ہم

رکھے تو جب تک جہاں میں یارب ترے کرم سے امید یہ ہے

رہے نہ مطلق تلاش دولت کریں نہ دنیا کی جستجو ہم

خزاں نے سب کی بہار کھو دی رہا نہ سنبل بچی نہ ریحاں

گلوں کو دیکھا ہوئے پریشاں چمن سے نکلے برنگ بو ہم

غم و الم نے تو کر رکھا ہے ہمارے چہرے کو زرد ؔجوشش

لہو کے آنسو اگر نہ روئیں نہ ہوں محبت میں سرخ رو ہم

tiri taharat ko shaikh kah to kahan se laen ik ab ju ham

tawaf dil ka hai qasd ham ko karen hain ansu se nit wuzu ham

batang ae hain zindagi se rahenge khauf fana mein kab tak

jo honi ho so shitab howe khare hain qatil ke ru ba ro ham

rakhe to jab tak jahan mein yarab tire karam se umid ye hai

rahe na mutlaq talash daulat karen na duniya ki justuju ham

khizan ne sab ki bahar kho di raha na sumbul bachi na raihan

gulon ko dekha hue pareshan chaman se nikle barang-e-bu ham

gham-o-alam ne to kar rakha hai hamare chehre ko zard joshish

lahu ke ansu agar na roen na hun mohabbat mein surkh ru ham