کچھ موج ہوا پیچاں اے میرؔ نظر آئی

کچھ موج ہوا پیچاں اے میرؔ نظر آئی

شاید کہ بہار آئی زنجیر نظر آئی

دلی کے نہ تھے کوچے اوراق مصور تھے

جو شکل نظر آئی تصویر نظر آئی

مغرور بہت تھے ہم آنسو کی سرایت پر

سو صبح کے ہونے کو تاثیر نظر آئی

گل بار کرے ہے گا اسباب سفر شاید

غنچے کی طرح بلبل دلگیر نظر آئی

اس کی تو دل آزاری بے ہیچ ہی تھی یارو

کچھ تم کو ہماری بھی تقصیر نظر آئی

kuchh mauj hua pechan ai mir nazar ai

shayad ke bahar ai zanjir nazar ai

dilli ke na the kuche auraq-e-musawwir the

jo shakl-e-nazar ai taswir nazar ai

maghrur bahut the ham ansu ki sarayat par

so subh ke hone ko tasir nazar ai

gul bar kare hai ga asbab safar shayad

ghunche ki tarah bulbul dilgir nazar ai

us ki to dil azari be hech hi thi yaro

kuchh tum ko hamari bhi taqsir nazar ai