تری ترچھی نظر کا تیر ہے مشکل سے نکلے گا

تری ترچھی نظر کا تیر ہے مشکل سے نکلے گا

دل اس کے ساتھ نکلے گا اگر یہ دل سے نکلے گا

شب غم میں بھی میری سخت جانی کو نہ موت آئی

ترا کام اے اجل اب خنجر قاتل سے نکلے گا

نگاہ شوق میرا مدعا تو ان کو سمجھا دے

مرے منہ سے تو حرف آرزو مشکل سے نکلے گا

کہاں تک کچھ نہ کہیے اب تو نوبت جان تک پہنچی

تکلف بر طرف اے ضبط نالہ دل سے نکلے گا

تصور کیا ترا آیا قیامت آ گئی دل میں

کہ اب ہر ولولہ باہر مزار دل سے نکلے گا

نہ آئیں گے وہ تب بھی دل نکل ہی جائے گا فانیؔ

مگر مشکل سے نکلے گا بڑی مشکل سے نکلے گا

tiri tirchhi nazar ka tir hai mushkil se niklega

dil us ke sath niklega agar ye dil se niklega

shab-e-gham mein bhi meri sakht jani ko na maut ai

tira kam ai ajal ab khanjar-e-qatil se niklega

nigah-e-shauq mera muddaa to un ko samjha de

mire munh se to harf-e-arzu mushkil se niklega

kahan tak kuchh na kahiye ab to naubat jan tak pahunchi

takalluf bar taraf ai zabt-e-nala dil se niklega

tasawwur kya tira aya qayamat a gai dil mein

ke ab har walwala bahar mazar-e-dil se niklega

na aenge wo tab bhi dil nikal hi jaega fani

magar mushkil se niklega bari mushkil se niklega