کچھ لگی دل کی بجھا لوں تو چلے جائیے گا

کچھ لگی دل کی بجھا لوں تو چلے جائیے گا

خیر سینے سے لگا لوں تو چلے جائیے گا

میں زخود رفتہ ہوا سنتے ہی جانے کی خبر

پہلے میں آپ میں آ لوں تو چلے جائیے گا

راستہ گھیرے ہیں ارمان و قلق حسرت و یاس

میں ذرا بھیڑ ہٹا لوں تو چلے جائیے گا

پیار کر لوں رخ روشن کی بلائیں لے لوں

قدم آنکھوں سے لگا لوں تو چلے جائیے گا

میرے ہونے ہی نے یہ روز سیہ دکھلایا

اپنی ہستی کو مٹا لوں تو چلے جائیے گا

چھوڑ کر زندہ مجھے آپ کہاں جائیں گے

پہلے میں جان سے جا لوں تو چلے جائیے گا

آپ کے جاتے ہی بیدمؔ کی سنے گا پھر کون

اپنی بیتی میں سنا تو چلے جائیے گا

kuchh lagi dil ki bujha lun to chale jaiyega

khair sine se laga lun to chale jaiyega

main zikhud rafta hua sunte hi jane ki khabar

pahle main ap mein a lun to chale jaiyega

rasta ghere hain arman-o-qalaq hasrat-o-yas

main zara bhir hata lun to chale jaiyega

pyar kar lun rukh-e-raushan ki balaen le lun

qadam ankhon se laga lun to chale jaiyega

mere hone hi ne ye roz-e-siyah dikhlaya

apni hasti ko mita lun to chale jaiyega

chhor kar zinda mujhe ap kahan jaenge

pahle main jan se ja lun to chale jaiyega

ap ke jate hi bedam ki sunega phir kaun

apni biti mein suna to chale jaiyega