کچھ اپنے کام نہیں آوے جام جم کی کتاب

کچھ اپنے کام نہیں آوے جام جم کی کتاب

کفایت اپنے کو بس ایک اپنے غم کی کتاب

نہیں خیال سوا اس کے اور ہے دل میں

جو مکتب عشق میں جیسے پڑھا صنم کی کتاب

خط آنے سے نہیں خاطر جمع ہوئے مطلق

اسے تو خط کہوں یا سبزہ یا ستم کی کتاب

شب فراق سے تیری گیا ہوں سب کچھ بھول

وقایہ کنز و ہدایہ سبھی علم کی کتاب

ہوا بہ مدرسۂ عشق جب سے طالب علم

بہت ہے اپنے مطالعہ کو ایک دم کی کتاب

نہ برہمن ہوں نہ ملا نہ مولوی نہ اتیت

جو پوتھی دیر کی پانچوں و یا حرم کی کتاب

کتاب حسن کی قاسمؔ علی مطالعہ کر

بنائی صانع نے صنعت سے یک قلم کی کتاب

kuchh apne kam nahin awe jam-e-jam ki kitab

kifayat apne ko bas ek apne gham ki kitab

nahin khayal siwa us ke aur hai dil mein

jo maktab-e-ishq mein jaise parha sanam ki kitab

khat ane se nahin khatir-e-jama hue mutlaq

use to khat kahun ya sabza ya sitam ki kitab

shab-e-firaq se teri gaya hun sab kuchh bhul

waqaya kanz-o-hadaya sabhi alam ki kitab

hawa ba madrasa-e-ishq jab se talib-e-ilm

bahut hai apne mutalaa ko ek dam ki kitab

na barahman hun na mila na maulawi na atet

jo pothi der ki panchon-o-ya haram ki kitab

kitab-e-husn ki qasim ali mutalaa kar

banai sane ne sanat se yak qalam ki kitab