کچھ ایسا تھا گمرہی کا سایا

کچھ ایسا تھا گمرہی کا سایا

اپنا ہی پتا نہ ہم نے پایا

دل کس کے جمال میں ہوا گم

اکثر یہ خیال ہی نہ آیا

ہم تو ترے ذکر کا ہوئے جزو

تو نے ہمیں کس طرح بھلایا

اے دوست تری نظر سے میرا

ایوان نگاہ جگ مسکایا

خورشید اسی کو ہم نے جانا

جو ذرہ زمیں پہ مسکرایا

مقصود تھی تازگی چمن کی

ہم نے رگ جاں سے خوں بہایا

افتاد ہے سب کی اپنی اپنی

کس نے ہے کسی کا غم بٹایا

محرومئ جاوداں ہے اور میں

میں ذوق طلب سے باز آیا

ہر غم پہ ہے میرے نام کی مہر

فطرتؔ کوئی غم نہیں پرایا

kuchh aisa tha gumrahi ka saya

apna hi pata na ham ne paya

dil kis ke jamal mein hua gum

aksar ye khayal hi na aya

ham to tire zikr ka hue juzw

tu ne hamen kis tarah bhulaya

ai dost tiri nazar se mera

aiwan-e-nigah jag muskaya

khurshid usi ko ham ne jana

jo zarra zamin pe muskuraya

maqsud thi tazgi chaman ki

ham ne rag-e-jan se khun bahaya

uftad hai sab ki apni apni

kis ne hai kisi ka gham bataya

mahrumi-e-jawedan hai aur main

main zauq-e-talab se baz aya

har gham pe hai mere nam ki mehr

fitrat koi gham nahin paraya