کون کہتا ہے یار نے مارا

کون کہتا ہے یار نے مارا

یار کے انتظار نے مارا

کچھ ترے انتظار نے مارا

کچھ دل بے قرار نے مارا

باتوں باتوں میں دل کو لے ہی گیا

مجھ کو ظالم کے پیار نے مارا

ہو پیالے میں قل کے بادۂ ناب

مجھ کو اک بادہ خوار نے مارا

نگہ ناز نے اگر چھوڑا

تیغ ابروئے یار نے مارا

اس نے وعدہ کیا قیامت کا

مجھ کو اس انتظار نے مارا

رنجؔ دنیا نے شیخ کو مجھ کو

غم روز شمار نے مارا

وصل میں غیر کا گلہ کیا خوب

مجھ کو در پردہ یار نے مارا

سر محفل لٹا لٹا کے مجھے

شوخیٔ چشم یار نے مارا

ابھی مرتا نہ میں مجھے اے رنجؔ

آفت روزگار نے مارا

kaun kahta hai yar ne mara

yar ke intizar ne mara

kuchh tire intizar ne mara

kuchh dil-e-be qarar ne mara

baton baton mein dil ko le hi gaya

mujh ko zalim ke pyar ne mara

ho pyale mein qul ke bada-e-nab

mujh ko ik bada khwar ne mara

nigah-e-naz ne agar chhora

tegh-e-abru-e-yar ne mara

us ne waada kiya qayamat ka

mujh ko is intizar ne mara

ranj-e-duniya ne shaikh ko mujh ko

gham-e-roz-e-shumar ne mara

wasl mein ghair ka gila kya khub

mujh ko dar parda yar ne mara

sar-e-mahfil luta luta ke mujhe

shokhi-e-chashm-e-yar ne mara

abhi marta na main mujhe ai ranj

afat-e-rozgar ne mara