کچھ تجھ کو خبر ہے ہم کیا کیا اے شورش دوراں بھول گئے

کچھ تجھ کو خبر ہے ہم کیا کیا اے شورش دوراں بھول گئے

وہ زلف پریشاں بھول گئے وہ دیدۂ گریاں بھول گئے

اے شوق نظارہ کیا کہئے نظروں میں کوئی صورت ہی نہیں

اے ذوق تصور کیا کیجے ہم صورت جاناں بھول گئے

اب گل سے نظر ملتی ہی نہیں اب دل کی کلی کھلتی ہی نہیں

اے فصل بہاراں رخصت ہو ہم لطف بہاراں بھول گئے

سب کا تو مداوا کر ڈالا اپنا ہی مداوا کر نہ سکے

سب کے تو گریباں سی ڈالے اپنا ہی گریباں بھول گئے

یہ اپنی وفا کا عالم ہے اب ان کی جفا کو کیا کہئے

اک نشتر زہر آگیں رکھ کر نزدیک رگ جاں بھول گئے

kuchh tujh ko khabar hai ham kya kya ai shorish dauran bhul gae

wo zulf-e-pareshan bhul gae wo dida-e-giryan bhul gae

ai shauq-e-nazara kya kahiye nazron mein koi surat hi nahin

ai zauq-e-tasawwur kya kije ham surat janan bhul gae

ab gul se nazar milti hi nahin ab dil ki kali khulti hi nahin

ai fasl-e-baharan rukhsat ho ham lutf baharan bhul gae

sab ka to mudawa kar dala apna hi mudawa kar na sake

sab ke to gareban si dale apna hi gareban bhul gae

ye apni wafa ka alam hai ab un ki jafa ko kya kahiye

ik nashtar zahr agin rakh kar nazdik rag jan bhul gae