کوچۂ جاناں میں جا نکلے جو غلماں بھول کر

کوچۂ جاناں میں جا نکلے جو غلماں بھول کر

یاد ہو اس کو نہ پھر گلزار رضواں بھول کر

سنگ دل بے مہر بے دیں بے وفا سمجھے نہ ہم

کر دئیے صدقے حسینوں پر دل و جاں بھول کر

بوسۂ ابرو کو لے کر منہ پہ کھائی ہم نے تیغ

کچھ کیا تم نے نہ پاس تیغ عریاں بھول کر

کر کے توبہ قول ہے اب حضرت دل کا یہی

اب کبھی لیں گے نہ نام عشق خوباں بھول کر

خوں رلایا عمر بھر شوکتؔ فراق یار نے

مرتے مرتے بھی نہ نکلا کوئی ارماں بھول کر

kucha-e-janan mein ja nikle jo ghilman bhul kar

yad ho us ko na phir gulzar-e-rizwan bhul kar

sang dil be mehr be den be wafa samjhe na ham

kar diye sadqe hasinon par dil-o-jan bhul kar

bosa-e-abru ko le kar munh pe khai ham ne tegh

kuchh kiya tum ne na pas-e-tegh uryan bhul kar

kar ke tauba qaul hai ab hazrat-e-dil ka yahi

ab kabhi lenge na nam-e-ishq khuban bhul kar

khun rulaya umr bhar shaukat firaq-e-yar ne

marte marte bhi na nikla koi arman bhul kar