کٹ گیا رشتۂ الفت جو ترا نام آیا

کٹ گیا رشتۂ الفت جو ترا نام آیا

دل وفادار تھا لیکن نہ مرے کام آیا

عشق کے ہاتھوں چراغ ایک سر شام آیا

تیرہ بختی میں مرا دل ہی مرے کام آیا

طلب ملک عدم سے نہ جہاں دیکھ سکا

ابھی منزل پہ نہ اترا تھا کہ پیغام آیا

نازش دہر نہ تھا میں تو پس مردن کیوں

محفل غیر میں سو بار مرا نام آیا

شمع روئی تو وہ کچھ دیر سہی تربت پر

خیر کوئی تو زمانے میں مرے کام آیا

kat gaya rishta-e-ulfat jo tira nam aya

dil wafadar tha lekin na mire kam aya

ishq ke hathon charagh ek sar-e-sham aya

tira bakhti mein mira dil hi mire kam aya

talab-e-mulk-e-adam se na jahan dekh saka

abhi manzil pe na utra tha ke paigham aya

nazish-e-dahr na tha main to pas murdan kyun

mahfil-e-ghair mein sau bar mira nam aya

shama roi to wo kuchh der sahi turbat par

khair koi to zamane mein mire kam aya