کچھ اکیلی نہیں میری قسمت

کچھ اکیلی نہیں میری قسمت

غم کو بھی ساتھ لگا لگائی ہے

منتظر دیر سے تھے تم میرے

اب جو تشریف صبا لائی ہے

نگہت زلف غبار رہ دوست

آخر اس کوچہ سے کیا لائی ہے

موت بھی روٹھ گئی تھی مجھ سے

یہ شب ہجر منا لائی ہے

مجھ کو لے جا کے مری آنکھ وہاں

اک تماشا سا دکھا لائی ہے

آہ کو سوئے اثر بھیجا تھا

واں سے کیا جانئے کیا لائی ہے

شبلیٔ زار سے کہہ دے کوئی

مژدۂ وصل صبا لائی ہے

kuchh akeli nahin meri qismat

gham ko bhi sath laga lagai hai

muntazir der se the tum mere

ab jo tashrif-e-saba lai hai

nighat-e-zulf-e-ghubar-e-rah dost

akhir us kucha se kya lai hai

maut bhi ruth gai thi mujh se

ye shab-e-hijr mana lai hai

mujh ko le ja ke miri ankh wahan

ik tamasha sa dikha lai hai

ah ko su-e-asar bheja tha

wan se kya janiye kya lai hai

shabli-e-zar se kah de koi

muzhda-e-wasl-e-saba lai hai