کوئی مے دے یا نہ دے ہم رند بے پروا ہیں آپ

کوئی مے دے یا نہ دے ہم رند بے پروا ہیں آپ

ساقیا اپنی بغل میں شیشۂ صہبا ہیں آپ

غافل و ہشیار وہ تمثال یک آئینہ ہیں

ورطۂ حیرت میں ناداں آپ ہیں دانا ہیں آپ

کیوں رہے میری دعا منت کش بال ملک

نالۂ مستانہ میرے آسماں پیما ہیں آپ

ہے تعجب خضر کو اور آب حیواں کی طلب

اور پھر عزلت گزین دامن صحرا ہیں آپ

منزل طول امل درپیش اور مہلت ہے کم

راہ کس سے پوچھئے حیرت میں نقش پا ہیں آپ

حق سے طالب دید کے ہوں ہم بصیر ایسے نہیں

ہم کو جو کوتہ نظر سمجھیں وہ نا بینا ہیں آپ

گل ہمہ تن زخم ہیں پھر بھی ہمہ تن گوش ہیں

بے اثر کچھ نالہ ہائے بلبل شیدا ہیں آپ

حرص سے شکوہ کروں کیا ہاتھ پھیلانے کا میں

کہتی ہے وہ اپنے ہاتھوں خلق میں رسوا ہیں آپ

ہم سے اے اہل تنعم منہ چھپانا چاہئے

دم بھرا کرتے ہیں ہم اور آئنہ سیما ہیں آپ

koi mai de ya na de ham rind be parwa hain ap

saqiya apni baghal mein shisha-e-sahba hain ap

ghafil-o-hushyar wo timsal yak aina hain

wartaha-e-hairat mein nadan ap hain dana hain ap

kyun rahe meri dua-e-minnat kash bal-e-mulk

nala-e-mastana mere asman paima hain ap

hai taajjub khizr ko aur ab-e-haiwan ki talab

aur phir uzlat guzin-e-daman-e-sahra hain ap

manzil-e-tul-e-amal darpesh aur mohlat hai kam

rah kis se puchhiye hairat mein naqsh-e-pa hain ap

haq se talib did ke hun ham basir aise nahin

ham ko jo kotah nazar samjhen wo na bina hain ap

gul hama tan zakhm hain phir bhi hama tan gosh hain

be asar kuchh nala ha-e-bulbul-e-shaida hain ap

hirs se shikwa karun kya hath phailane ka main

kahti hai wo apne hathon khalq mein ruswa hain ap

ham se ai ahl-e-tanamma munh chhupana chahiye

dam bhara karte hain ham aur aina sima hain ap