تری زلفوں نے بل کھایا تو ہوتا

تری زلفوں نے بل کھایا تو ہوتا

ذرا سنبل کو لہرایا تو ہوتا

رخ بے داغ دکھلایا تو ہوتا

گل لالہ کو شرمایا تو ہوتا

چلے گا کبک کیا رفتار تیری

یہ انداز قدم پایا تو ہوتا

کہے جاتے وہ سنتے یا نہ سنتے

زباں تک حال دل آیا تو ہوتا

سمجھتا یا نہ اے آتشؔ سمجھتا

دل مضطر کو سمجھایا تو ہوتا

tiri zulfon ne bal khaya to hota

zara sumbul ko lahraya to hota

rukh-e-be dagh dikhlaya to hota

gul-e-lala ko sharmaya to hota

chalega kabk kya raftar teri

ye andaz-e-qadam paya to hota

kahe jate wo sunte ya na sunte

zaban tak hal-e-dil aya to hota

samajhta ya na ai atish samajhta

dil-e-muztar ko samjhaya to hota