کون سی شے میں ترا نور نہیں

کون سی شے میں ترا نور نہیں

کس جگہ پر ترا ظہور نہیں

دل سے آتی ہے یہ صدا پیہم

پاس تیرے ہوں تجھ سے دور نہیں

دل وحشی نے تھے قدم چومے

اس میں کوئی مرا قصور نہیں

خاک ہو کر غبار راہ بنو

نخوت و کبر کچھ ضرور نہیں

جلوہ دکھلا دے شاہ دیں مجھ کو

تیرے لطف و کرم سے دور نہیں

جلوۂ نور سے جلا تھا کوہ

دل مکان خدا ہے طور نہیں

اے جمیلہؔ گنہ کا کیا دھڑکا

نام اس کا مگر غفور نہیں

kaun si shai mein tira nur nahin

kis jagah par tira zuhur nahin

dil se ati hai ye sada paiham

pas tere hun tujh se dur nahin

dil-e-wahshi ne the qadam chume

is mein koi mira qusur nahin

khak ho kar ghubar-e-rah bano

nakhwat-o-kibr kuchh zarur nahin

jalwa dikhla de shah den mujh ko

tere lutf-o-karam se dur nahin

jalwa-e-nur se jala tha koh

dil makan-e-khuda hai tur nahin

ai jamilahu gunah ka kya dharka

nam us ka magar ghafur nahin